Ужо традыцыйна ў Беларусі апошнія дні лютага прысвечаны роднай мове. Ва ўніверсітэтах і клубах праходзяць мерапрыемствы і акцыі, у сацыяльных сетках і СМІ з’яўляюцца шматлікія конкурсы і публікацыі — і ўсё прысвечана беларускай мове.
19 лютага з 17.00 да 22.00 у прасторы «Мёд» (вул. Талбухіна 4, 3 паверх) «Арт Сядзіба» ладзіць «Дні роднай мовы»: у праграме прэзентацыя папулярных беларускамоўных настольных гульняў, выступы паэтаў і музычных гуртоў.
Праграма 19 лютага:
17.00—19.00: Гульнятэка. Кожны жадаючы зможа згуляць у беларускамоўныя настолкі: «Разам», «Яшчарка», «Казачнік», «1514», «Мова»;
19.00 — 20.00: «Вялікі паэтычны ART JAM»: Анхела Эспіноса, Віктар Жыбуль, Алесь Плотка, Воля Чайкоўская, Кацярына Массэ;
20.00 — 21.00: Музычная частка: Martin S., Сяргей Башлыкевіч, Пётр Клюеў; 21.00 — 22.00: «Спеўны сход»;
На працягу ўсяго дня: Квэст+шоу ў віртуальнай рэальнасці ад суполкі «Шукай.BY».
Прэзентацыя пятага нумару часопіса ALOVAK.
Прастора «Мёд» (вул. Талбухіна 4, 3 паверх). Уваход вольны.
21 лютага — спектакль «Браніслаў. Сцэны з жыцця ды сноў»
21 лютага адбудзецца паказ спектаклю «Браніслаў. Сцэны з жыцця ды сноў» паводле аднайменнай п’есы Эльдара Бякірава.
Спектакль «Браніслаў» прысвечаны Браніславу Тарашкевічу, выдатнаму навукоўцу, беларускаму дзеячу, чалавеку ахвярнаму і адважнаму.
Многія чулі, што Тарашкевіч распрацаваў класічную граматыку і правапіс беларускай мовы. Але пра ягоны пакручасты і трагічны лёс, пра які можна напісаць не тое што п’есу, а нават раман, амаль ніхто не ведае. Варта наведаць.
Уваход на спектакль 21 лютага па папярэднім запісе. Колькасць месцаў абмежаваная. Па ўсіх пытаннях звяртайцеся на пошту [email protected].
