З боку Расійскай Федэрацыі ва Украіну прыехала 10 баявых машын Град БМ-21, танкі Т-64 і іншая тэхніка. Украінскі бок мае доказы таго, што гэтая тэхніка належыць расійскай арміі.
Аб гэтым заявіў в.а. міністра абароны Украіны Міхаіл Коваль падчас выступу ў Радзе.
«У нас была аператыўная інфармацыя аб тым, што 10 баявых машын Град БМ-21 перасеклі дзяржмяжу Украіны і знаходзяцца на тэрыторыі Украіны», - заявіў Коваль.
Паводле яго слоў, адна машына была захоплена і знішчана.
Украінскія ваенныя знайшлі доказы таго, што яна належыць расійскай арміі.
«У ёй мы знайшлі доказную базу, што гэта машына з 18 мотастралковай брыгады з Чачні, Паўднёвай ваеннай акругі РФ. Там былі нататнікі, карта агню і пячаткі гэтай брыгады», - заявіў Коваль.
Акрамя гэтай машыны, украінскія вайскоўцы выявілі яшчэ 6 такіх машын.
