Z boku Rasijskaj Fiederacyi va Ukrainu pryjechała 10 bajavych mašyn Hrad BM-21, tanki T-64 i inšaja technika. Ukrainski bok maje dokazy taho, što hetaja technika naležyć rasijskaj armii.
Ab hetym zajaviŭ v.a. ministra abarony Ukrainy Michaił Koval padčas vystupu ŭ Radzie.
«U nas była apieratyŭnaja infarmacyja ab tym, što 10 bajavych mašyn Hrad BM-21 pierasiekli dziaržmiažu Ukrainy i znachodziacca na terytoryi Ukrainy», - zajaviŭ Koval.
Pavodle jaho słoŭ, adna mašyna była zachoplena i źniščana.
Ukrainskija vajennyja znajšli dokazy taho, što jana naležyć rasijskaj armii.
«U joj my znajšli dokaznuju bazu, što heta mašyna z 18 motastrałkovaj bryhady z Čačni, Paŭdniovaj vajennaj akruhi RF. Tam byli natatniki, karta ahniu i piačatki hetaj bryhady», - zajaviŭ Koval.
Akramia hetaj mašyny, ukrainskija vajskoŭcy vyjavili jašče 6 takich mašyn.