Зорачкай (*) адзначаны спаборніцтвы, якія па беларускім часе пачнуцца ў ноч на наступныя суткі.
Веславанне акадэмічнае
19.10 — Мужчыны. Чацвёрка распашная
18.50 — Жанчыны. Двойка распашная
У нядзелю праз моцны вецер спаборніцтвы па акадэмічным веславанні былі адкладзеныя. Таму беларусы Вадзім Лялін, Дзяніс Мігаль, Ігар Пашэвіч, Мікалай Шарлап (чацвёрка распашная) у другім папярэднім заездзе пазмагаюцца за выхад у паўфінал турніру.
Беларускі Іна Нікуліна і Алена Фурман (двойка распашная) таксама выйдуць сёння на ваду, каб паспрабаваць адабрацца ў паўфінал. Адзначым, што іх шанцы на поспех ніжэй, чым у мужчынскага квартэта.
Абодвум экіпажам для выхаду ў паўфінал неабходна патрапіць у тройку лепшых у сваіх заездах.
Парусны спорт
19.05, 20.05, 21.05 — Мужчыны. «RS:X»
19.15, 20.40 — Жанчыны. «Лазер Радыял»
Мікіта Цыркун («RS:X») у бліжэйшыя дні 12 разоў выйдзе на старт (па тры гонкі ў дзень). Сёння ён адкрые спаборніцкую праграму. Каб удзельнічаць у фінале, 19-гадоваму беларусу неабходна патрапіць у дзясятку лепшых спартоўцаў па выніках гэтых 12 заплываў.
Таццяна Драздоўская («Лазер Радыял») правядзе сёння першыя дзве гонкі ў заліве Гуанабара. У наступныя дні беларуску чакае такая ж праграма, пакуль ўдзельнікі не правядуць 10 гонак. Па іх выніках 10 лепшых спартсменак будуць змагацца за медалі ў фінальным заплыве.
У Драздоўскай вельмі нядрэнныя шанцы на месца ў фінале. У адрозненне ад маладога Цыркуна.
Стральба кулявая
15.00 — Мужчыны. Пнеўматычная вінтоўка. 10 м. Кваліфікацыя
18.00 — Фінал
Ёсць падставы верыць у медаль 23-гадовага мінчука Іллі Чаргейкі, сярэбранага прызёра апошняга чэмпіянату свету ў гэтай дысцыпліне. Накіраваны на фінал і яго значна больш дасведчаны, 41-гадовы, калега Віталь Бубновіч, ураджэнец Гродна. Для ветэрана гэта ўжо чацвёртыя летнія Гульні ў кар'еры.
Тэніс настольны
16.00 — Жанчыны. Адзіночны разрад. Трэці раўнд
22.00, 2.30* — 1/8 фіналу
18.00 — Мужчыны. Адзіночны разрад. Трэці раўнд
23.00, 3.30* — 1/8 фіналу
Вікторыя Паўловіч у трэцім раўндзе згуляе з 10-й ракеткай свету Чэн І-Чын з Тайваня. Пачатак яе паядынку за выхад у 1/8 фіналу ў 17.00 па беларускім часе. У выпадку поспеху беларуска сутыкнецца з пераможцам пары Лілі Чжан (ЗША) / Су Хеван (Паўднёвая Карэя, 12).
З трэцяга раўнда ў барацьбу ўступіць пасеяны на Гульнях пад сёмым нумарам Уладзімір Самсонаў. За выхад у 1/8 фіналу легендарны беларус паспрачаецца са шведам Крысціянам Карлсанам (20). Пачатак у 19.00 па беларускім часе. У гэты ж дзень пройдуць матчы 1/8 фіналу. Пераможца беларускай пары сустрэнецца з лепшым у пары Андрэй Гачына (Харватыя, 15) / Пол Дрынкхол (Вялікабрытанія).
