Zoračkaj (*) adznačany spabornictvy, jakija pa biełaruskim časie pačnucca ŭ noč na nastupnyja sutki.
Viesłavańnie akademičnaje
19.10 — Mužčyny. Čaćviorka raspašnaja
18.50 — Žančyny. Dvojka raspašnaja
U niadzielu praz mocny viecier spabornictvy pa akademičnym viesłavańni byli adkładzienyja. Tamu biełarusy Vadzim Lalin, Dzianis Mihal, Ihar Paševič, Mikałaj Šarłap (čaćviorka raspašnaja) u druhim papiarednim zajeździe pazmahajucca za vychad u paŭfinał turniru.
Biełaruski Ina Nikulina i Alena Furman (dvojka raspašnaja) taksama vyjduć siońnia na vadu, kab pasprabavać adabracca ŭ paŭfinał. Adznačym, što ich šancy na pośpiech nižej, čym u mužčynskaha kvarteta.
Abodvum ekipažam dla vychadu ŭ paŭfinał nieabchodna patrapić u trojku lepšych u svaich zajezdach.
Parusny sport
19.05, 20.05, 21.05 — Mužčyny. «RS:X»
19.15, 20.40 — Žančyny. «Łazier Radyjał»
Mikita Cyrkun («RS:X») u bližejšyja dni 12 razoŭ vyjdzie na start (pa try honki ŭ dzień). Siońnia jon adkryje spabornickuju prahramu. Kab udzielničać u finale, 19-hadovamu biełarusu nieabchodna patrapić u dziasiatku lepšych spartoŭcaŭ pa vynikach hetych 12 zapłyvaŭ.
Taćciana Drazdoŭskaja («Łazier Radyjał») praviadzie siońnia pieršyja dźvie honki ŭ zalivie Huanabara. U nastupnyja dni biełarusku čakaje takaja ž prahrama, pakul ŭdzielniki nie praviaduć 10 honak. Pa ich vynikach 10 lepšych spartsmienak buduć zmahacca za miedali ŭ finalnym zapłyvie.
U Drazdoŭskaj vielmi niadrennyja šancy na miesca ŭ finale. U adroźnieńnie ad maładoha Cyrkuna.
Stralba kulavaja
15.00 — Mužčyny. Pnieŭmatyčnaja vintoŭka. 10 m. Kvalifikacyja
18.00 — Finał
Jość padstavy vieryć u miedal 23-hadovaha minčuka Illi Čarhiejki, siarebranaha pryziora apošniaha čempijanatu śvietu ŭ hetaj dyscyplinie. Nakiravany na finał i jaho značna bolš daśviedčany, 41-hadovy, kaleha Vital Bubnovič, uradženiec Hrodna. Dla vieterana heta ŭžo čaćviortyja letnija Hulni ŭ karjery.
Tenis nastolny
16.00 — Žančyny. Adzinočny razrad. Treci raŭnd
22.00, 2.30* — 1/8 finału
18.00 — Mužčyny. Adzinočny razrad. Treci raŭnd
23.00, 3.30* — 1/8 finału
Viktoryja Paŭłovič u trecim raŭndzie zhulaje z 10-j rakietkaj śvietu Čen I-Čyn z Tajvania. Pačatak jaje pajadynku za vychad u 1/8 finału ŭ 17.00 pa biełaruskim časie. U vypadku pośpiechu biełaruska sutykniecca ź pieramožcam pary Lili Čžan (ZŠA) / Su Chievan (Paŭdniovaja Kareja, 12).
Z treciaha raŭnda ŭ baraćbu ŭstupić pasiejany na Hulniach pad siomym numaram Uładzimir Samsonaŭ. Za vychad u 1/8 finału lehiendarny biełarus paspračajecca sa šviedam Kryścijanam Karłsanam (20). Pačatak u 19.00 pa biełaruskim časie. U hety ž dzień projduć matčy 1/8 finału. Pieramožca biełaruskaj pary sustreniecca ź lepšym u pary Andrej Hačyna (Charvatyja, 15) / Poł Drynkchoł (Vialikabrytanija).
