Намесніка камандзіра 310-й групы артылерыі па ідэалагічнай рабоце 120-й асобнай гвардзейскай механізаванай брыгадзе гвардыі падпалкоўніка Антона Чарамных пачнуць судзіць у Мінскім гарадскім судзе 15 лютага.
Яго абвінавачваюць у «зрадзе дзяржаве асобай, на якую распаўсюджваецца статус ваеннаслужачага» (ч. 2 арт. 356 КК) і «распальванні іншай сацыяльнай варожасці» (ч. 3 арт. 130 КК). Па гэтых артыкулах яму пагражае ад 10 да 20 гадоў зняволення.
Справу ў закрытым рэжыме будзе разглядаць Сяргей Кацар, піша «Вясна».
Два гады таму газета «Звязда» рабіла рэпартаж з 120-й механізаванай брыгады, што дыслакуецца ў мінскім Уруччы, дзе журналісты апытвалі і Антона.
Чытайце таксама:
Заслаўскага дэпутата пачынаюць судзіць за «фінансаванне тэрарызму». Яму пагражае да 15 гадоў турмы
У наваполацкай калоніі прыбралі ўсе кніжкі на беларускай мове
