Электробус вытворчасці МАЗ. Фота ілюстрацыйнае
«Усе кажуць, што праект будзе пашырацца. Выдзеленыя грошы на вытворчасць і закупку тэхнікі сёлета. У нас на чарзе стаіць Віцебская вобласць, хутчэй за ўсё, прамысловы горад Наваполацк», — заявіў віцэ-прэм'ер Пётр Пархомчык, якога цытуе прэс-служба ўрада.
Па словах чыноўніка, ва ўсім свеце пасажырскі і легкавы электратранспарт набіраюць папулярнасць, і «Беларусь не адстае ад гэтага эканамічнага трэнду».
Раней было заяўлена пра намер замяніць на электрычны ўвесь гарадскі грамадскі транспарт Жодзіна і Шклова. Гэты праект маюць намер рэалізаваць да канца 2026 года.
Чытайце таксама:
Як выглядаюць электробусы, што перадалі Шклову
Доля электратранспарту ў гарадскіх перавозках Мінска — амаль палова
Шклоў і Жодзіна ў наступным годзе цалкам перавядуць на электробусы — Галоўчанка
