Ваеннаслужачыя Полацкага пагранатрада сумесна з супрацоўнікамі АМАП УУС Віцебскага аблвыканкама 28 сакавіка ў горадзе Браславе затрымалі двух грамадзян Беларусі, паведамляе Памежны камітэт.
Сцвярджаецца, што двое беларусаў-кантрабандыстаў збіраліся прымяніць гвалт у дачыненні памежніка. Нагодай было тое, што ён прымаў удзел у расследаванні крымінальнай справы супраць гэтых мужчын.
На момант затрымання яны знаходзіліся пад падпіскай аб нявыездзе — якраз за кантрабанду.
У дачыненні да іх завялі крымінальныя справы па ч.1 арт. 366 Крымінальнага кодэкса (Гвалт або пагроза ў дачыненні да службовай асобы). Ім пагражае да 7 гадоў пазбаўлення волі.
Чытайце таксама:
У Пастаўскім раёне застрэліўся салдат тэрміновай службы
Польшча збіраецца паставіць на мяжы з Беларуссю 70-метровыя вышкі
