У Варшаве п'яны беларус разбіў шыбу ў чужым аўтамабілі і заснуў у ім
Здарэнне адбылося ўвечары ў мінулы панядзелак, паведамляе Miejski Reporter.
Як высветлілі паліцыянты, мужчына выбіў шкло ў аўтамабілі маркі Skoda, пасля чаго залез унутр і заснуў на сядзенні кіроўцы.
Мужчына пакінуў аўто праз задняе шкло багажніка ў суправаджэнні паліцыі.
Высветлілася, што ў машыне знаходзіўся 42-гадовы грамадзянін Беларусі, які быў у стане алкагольнага ап’янення.
Мужчыну затрымалі і даставілі ў паліцэйскі аддзел.
Дадаткова высветлілася, што транспартны сродак лічыўся ў вышуку.
Цяпер чытаюць
Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыі18
Каментары