Былы начальнік мінскага СІЗА, палітэмігрант Алег Алкаеў у сваім блогу працягвае публікаваць кампрамат на былога старшыню Рады бяспекі Віктара Шэймана.
У сярэдзіне лютага Алкаеў звяртаўся да галоўнага рэдактара «Советскай Белоруссіі» Паўла Якубовіча і старшыні КДБ Вадзіма Зайцава з просьбай азнаёміцца з матэрыялам і надрукаваць яго. Адказу Алкаеў так і не дачакаў, таму працягнуў публікацыю ў дзённіку.
У гэтай частцы змешчаны рапарт былога міністра ўнутраных справаў Уладзіміра Навумава да Аляксандра Лукашэнкі. У ім
Навумаў паведамляе пра грамадзянскую жонку Шэймана Саўчанку, якая крымінальным шляхам купіла сабе дыплом аб вышэйшай адукацыі, а таксама набыла некалькі кватэр і катэджаў у Мінску і Мінскім раёне.
Прыводзіцца расшыфроўка тэлефонных размоваў, якія, калі верыць публікацыі, вялі Шэйман з дырэктарам рынку «Ждановічы» Яўгенам Шыгалавым.
Ці праўдзівыя гэтыя звесткі, няма пэўнасці. Магчыма, Алкаеў іх мог атрымаць аб беглага капітана Дудкіна, колішняга памочніка Уладзіміра Навумава.