Były načalnik minskaha SIZA, palitemihrant Aleh Ałkajeŭ u svaim błohu praciahvaje publikavać kampramat na byłoha staršyniu Rady biaśpieki Viktara Šejmana.
U siaredzinie lutaha Ałkajeŭ źviartaŭsia da hałoŭnaha redaktara «Sovietskaj Biełoruśsii» Paŭła Jakuboviča i staršyni KDB Vadzima Zajcava z prośbaj aznajomicca z materyjałam i nadrukavać jaho. Adkazu Ałkajeŭ tak i nie dačakaŭ, tamu praciahnuŭ publikacyju ŭ dziońniku.
U hetaj častcy źmieščany rapart byłoha ministra ŭnutranych spravaŭ Uładzimira Navumava da Alaksandra Łukašenki. U im
Navumaŭ paviedamlaje pra hramadzianskuju žonku Šejmana Saŭčanku, jakaja kryminalnym šlacham kupiła sabie dypłom ab vyšejšaj adukacyi, a taksama nabyła niekalki kvater i katedžaŭ u Minsku i Minskim rajonie.
Pryvodzicca rasšyfroŭka telefonnych razmovaŭ, jakija, kali vieryć publikacyi, viali Šejman z dyrektaram rynku «Ždanovičy» Jaŭhienam Šyhałavym.
Ci praŭdzivyja hetyja źviestki, niama peŭnaści. Mahčyma, Ałkajeŭ ich moh atrymać ab biehłaha kapitana Dudkina, kolišniaha pamočnika Uładzimira Navumava.
0
0
0
0
0
0
