Расія ўдвая абмежавала пастаўкі электраэнергіі ў Беларусь, паведамілі БелаПАН у расійскім экспарцёры электраэнергіі ААТ «Інтэр РАТ АЭС». Прычына абмежавання паставак — запазычанасць беларускага боку за электраэнергію, пастаўленую ўсакавіку-красавіку гэтага года.
У расійскай кампаніі ўдакладнілі, што абмежаванне складае 200 МВт (ад 400–500 МВт) і ўведзена з 00.00 па маскоўскім часе 9 чэрвеня.
Доўг беларускага боку складае каля 1,5 млрд. расійскіх рублёў (каля 54 млн. долараў). Абмежаванне паставак будзе доўжыцца дзесяць дзён. Пасля 19 чэрвеня пастаўкі могуць поўнасцю прыпыніцца, калі не будзе дасягнута дамоўленасць па пагашэнні запазычанасці.
Афіцыйны прадстаўнік кампаніі ААТ «Інтэр РАТ» Антон Назараў напярэдадні заявіў, што кампанія «разлічвае на паступленне ў найбліжэйшы час плацяжоў за пастаўленую ў
У сваю чаргу, кіраўнік «Белэнерга» Аляксей Шырма сцвярджаў, што бакі дзейнічаюць у рамках падпісаных дамоўленасцей і «парушэнняў умоў дамоўленасці няма». «Не ведаю, хто і што там заяўляе, але прэтэнзій адзін да аднаго бакі не заяўлялі», — сказаў Шырма 8 чэрвеня.
Наяўнасць запазычанасці за электраэнергію РІА Новости 8 чэрвеня пацвердзіла памочнік міністра энергетыкі Беларусі Людміла Зяньковіч. «На гэта момант у Беларусі існуюць праблемы з купляй валюты, і пакуль складана разлічыцца з „Інтэр РАТ“ за пастаўкі электраэнергіі. Але гэтая праблема будзе вырашана максімальна аператыўна. Але самае галоўнае, што, нягледзячы на магчымыя абмежаванні, беларускія спажыўцы не будуць адчуваць праблем з энергазабеспячэннем», — дадала Зяньковіч.
У «Белэнэрга» прызналі таксама наяўнасць запазычанасці перад Украінай, але Кіеў, разумеючы фінансавыя складанасці беларускага боку, адмовіўся ад налічэння пяні, паведамляе «Інтэрфакс».
Лета і зніжэнне эканамічнай актыўнасці праз крызіс выклікалі змяншэнне спажывання энэргіі Беларуссю, таму дэфіцыту электрычнасці назірацца не павінна, нягледзячы на збоі ў пастаўках з Расіі.
