Rasija ŭdvaja abmiežavała pastaŭki elektraenierhii ŭ Biełaruś, paviedamili BiełaPAN u rasijskim eksparciory elektraenierhii AAT «Inter RAT AES». Pryčyna abmiežavańnia pastavak — zapazyčanaść biełaruskaha boku za elektraenierhiju, pastaŭlenuju ŭsakaviku-krasaviku hetaha hoda.
U rasijskaj kampanii ŭdakładnili, što abmiežavańnie składaje 200 MVt (ad 400–500 MVt) i ŭviedziena z 00.00 pa maskoŭskim časie 9 červienia.
Doŭh biełaruskaha boku składaje kala 1,5 młrd. rasijskich rubloŭ (kala 54 młn. dołaraŭ). Abmiežavańnie pastavak budzie doŭžycca dziesiać dzion. Paśla 19 červienia pastaŭki mohuć poŭnaściu prypynicca, kali nie budzie dasiahnuta damoŭlenaść pa pahašeńni zapazyčanaści.
Aficyjny pradstaŭnik kampanii AAT «Inter RAT» Anton Nazaraŭ napiaredadni zajaviŭ, što kampanija «raźličvaje na pastupleńnie ŭ najbližejšy čas płaciažoŭ za pastaŭlenuju ŭ
U svaju čarhu, kiraŭnik «Biełenierha» Alaksiej Šyrma śćviardžaŭ, što baki dziejničajuć u ramkach padpisanych damoŭlenaściej i «parušeńniaŭ umoŭ damoŭlenaści niama». «Nie viedaju, chto i što tam zajaŭlaje, ale pretenzij adzin da adnaho baki nie zajaŭlali», — skazaŭ Šyrma 8 červienia.
Najaŭnaść zapazyčanaści za elektraenierhiju RIA Novosti 8 červienia paćvierdziła pamočnik ministra enierhietyki Biełarusi Ludmiła Ziańkovič. «Na heta momant u Biełarusi isnujuć prablemy z kuplaj valuty, i pakul składana raźličycca z „Inter RAT“ za pastaŭki elektraenierhii. Ale hetaja prablema budzie vyrašana maksimalna apieratyŭna. Ale samaje hałoŭnaje, što, niahledziačy na mahčymyja abmiežavańni, biełaruskija spažyŭcy nie buduć adčuvać prablem z enierhazabieśpiačeńniem», — dadała Ziańkovič.
U «Biełenerha» pryznali taksama najaŭnaść zapazyčanaści pierad Ukrainaj, ale Kijeŭ, razumiejučy finansavyja składanaści biełaruskaha boku, admoviŭsia ad naličeńnia piani, paviedamlaje «Interfaks».
Leta i źnižeńnie ekanamičnaj aktyŭnaści praz kryzis vyklikali źmianšeńnie spažyvańnia enerhii Biełaruśsiu, tamu deficytu elektryčnaści naziracca nie pavinna, niahledziačy na zboi ŭ pastaŭkach z Rasii.
