Урад Беларусі зацвердзіў палажэнне аб парадку ўтылізацыі неэксплуатуемых транспартных сродкаў, прызнаных безгаспадарчымі. Адпаведнае рашэнне ўтрымліваецца ў пастанове Саўміна ад 27 верасня 2011 года № 1294, паведамілапрэс-служба ўрада.
Згодна з пастановай, утылізацыя неэксплуатуемых транспартных сродкаў праводзіцца падпарадкаванымі Міністэрству прамысловасці спецыялізаванымі арганізацыямі, якія маюць адпаведны дазвол на дзейнасць па нарыхтоўцы (закупцы) лому і адходаў чорных і каляровых металаў.
Здача на ўтылізацыю кінутых аўтамабіляў будзе ажыццяўляцца мясцовымі выканаўчымі і распарадчымі органамі з прадстаўленнем у спецыялізаваныя арганізацыі копіі рашэння суда аб прызнанні неэксплуатуемых транспартных сродкаў безгаспадарчымі і перадачы іх ва ўласнасць адпаведных
Спецыялізаваныя арганізацыі арганізуюць прыём на ўтылізацыю неэксплуатуемых транспартных сродкаў у якасці лому чорных і каляровых металаў у адпаведнасці з патрабаваннямі СТБ 2026–2010 «Металы чорныя другасныя. Агульныя тэхнічныя ўмовы»,
Разлікі за металалом, здадзены ў складзе неэксплуатуемых транспартных сродкаў, ажыццяўляецца згодна з прэйскурантам цэн у адпаведнасці з дагаворамі паміж спецыялізаванымі арганізацыямі і мясцовымі выканаўчымі і распарадчымі органамі.
Спецыялізаваныя арганізацыі павінны весці адасоблены ўлік металалому, што паступіў у складзе неэксплуатуемых транспартных сродкаў.
Пастанова набывае моц 1 студзеня 2012 года. Палажэнне распрацавана ў адпаведнасці з указам прэзідэнта ад 9 жніўня 2011 года № 348 «Аб мерах па арганізацыі збору, захоўвання неэксплуатуемых транспартных сродкаў і іх наступнай утылізацыі».