Urad Biełarusi zaćvierdziŭ pałažeńnie ab paradku ŭtylizacyi nieekspłuatujemych transpartnych srodkaŭ, pryznanych biezhaspadarčymi. Adpaviednaje rašeńnie ŭtrymlivajecca ŭ pastanovie Saŭmina ad 27 vieraśnia 2011 hoda № 1294, paviedamiłapres-słužba ŭrada.
Zhodna z pastanovaj, utylizacyja nieekspłuatujemych transpartnych srodkaŭ pravodzicca padparadkavanymi Ministerstvu pramysłovaści śpiecyjalizavanymi arhanizacyjami, jakija majuć adpaviedny dazvoł na dziejnaść pa narychtoŭcy (zakupcy) łomu i adchodaŭ čornych i kalarovych mietałaŭ.
Zdača na ŭtylizacyju kinutych aŭtamabilaŭ budzie ažyćciaŭlacca miascovymi vykanaŭčymi i rasparadčymi orhanami z pradstaŭleńniem u śpiecyjalizavanyja arhanizacyi kopii rašeńnia suda ab pryznańni nieekspłuatujemych transpartnych srodkaŭ biezhaspadarčymi i pieradačy ich va ŭłasnaść adpaviednych
Śpiecyjalizavanyja arhanizacyi arhanizujuć pryjom na ŭtylizacyju nieekspłuatujemych transpartnych srodkaŭ u jakaści łomu čornych i kalarovych mietałaŭ u adpaviednaści z patrabavańniami STB 2026–2010 «Mietały čornyja druhasnyja. Ahulnyja techničnyja ŭmovy»,
Raźliki za mietałałom, zdadzieny ŭ składzie nieekspłuatujemych transpartnych srodkaŭ, ažyćciaŭlajecca zhodna z prejskurantam cen u adpaviednaści z dahavorami pamiž śpiecyjalizavanymi arhanizacyjami i miascovymi vykanaŭčymi i rasparadčymi orhanami.
Śpiecyjalizavanyja arhanizacyi pavinny vieści adasobleny ŭlik mietałałomu, što pastupiŭ u składzie nieekspłuatujemych transpartnych srodkaŭ.
Pastanova nabyvaje moc 1 studzienia 2012 hoda. Pałažeńnie raspracavana ŭ adpaviednaści z ukazam prezidenta ad 9 žniŭnia 2011 hoda № 348 «Ab mierach pa arhanizacyi zboru, zachoŭvańnia nieekspłuatujemych transpartnych srodkaŭ i ich nastupnaj utylizacyi».