са спасылкай на відавочцаў і актывістаў апазіцыі паведамляе Reuters.
«Гэта было самае жорсткае бамбаванне за апошнія дні», — цытуе агенцтва аднаго з сірыйскіх актывістаў.
Арабскія спадарожнікавыя тэлеканалы паказалі ў эфіры кадры з Хомса. На відэа чутныя выбухі і бачныя разбурэнні.
Хомс стаў цэнтрам супраціву рэжыму прэзідэнта Башара Асада. Больш за 200 чалавек былі забітыя ў ноч на пятніцу, калі танкі і артылерыя, як сцвярджаюць сірыйскія праваабаронцы ў Лондане, абстрэльвалі жылыя кварталы.
Пасля гэтага сірыйцы ў некалькіх краінах атакавалі пасольствы Сірыі.
Чарговая атака на Хомс адбываецца на фоне абмеркавання рэзалюцыі па Сірыі ў Радзе Бяспекі ААН. Праект рэзалюцыі быў складзены 2 лютага і закліканы спыніць гвалт у Сірыі, дзе з сакавіка 2011 года працягваюцца сутыкненні апазіцыі і ўладаў, у якіх, паводле дадзеных ААН, загінулі ўжо больш за пяць тысяч чалавек.
У выходныя Расія і Кітай заблакавалі прыняцце рэзалюцыі па Сірыі.
