sa spasyłkaj na vidavočcaŭ i aktyvistaŭ apazicyi paviedamlaje Reuters.
«Heta było samaje žorstkaje bambavańnie za apošnija dni», — cytuje ahienctva adnaho ź siryjskich aktyvistaŭ.
Arabskija spadarožnikavyja telekanały pakazali ŭ efiry kadry z Chomsa. Na videa čutnyja vybuchi i bačnyja razbureńni.
Choms staŭ centram supracivu režymu prezidenta Bašara Asada. Bolš za 200 čałaviek byli zabityja ŭ noč na piatnicu, kali tanki i artyleryja, jak śćviardžajuć siryjskija pravaabaroncy ŭ Łondanie, abstrelvali žyłyja kvartały.
Paśla hetaha siryjcy ŭ niekalkich krainach atakavali pasolstvy Siryi.
Čarhovaja ataka na Choms adbyvajecca na fonie abmierkavańnia rezalucyi pa Siryi ŭ Radzie Biaśpieki AAN. Prajekt rezalucyi byŭ składzieny 2 lutaha i zaklikany spynić hvałt u Siryi, dzie z sakavika 2011 hoda praciahvajucca sutyknieńni apazicyi i ŭładaŭ, u jakich, pavodle dadzienych AAN, zahinuli ŭžo bolš za piać tysiač čałaviek.
U vychodnyja Rasija i Kitaj zabłakavali pryniaćcie rezalucyi pa Siryi.