Мы паспрабавалі замовіць на навагоднюю ноч зорку беларускай эстрады. Мы наўпрост набралі нумары адказных за арганізацыю канцэртаў, якія пазначаны на афіцыйных сайтах некаторых артыстаў. І вось што атрымалася.
Група
Заказы на выступленне артыстаў у навагоднюю ноч яшчэ прымаюцца. Нельга сказаць, што расцэнкі надта высокія. Напрыклад, мы спрабавалі замовіць артыстаў альбо на навагоднюю ноч, альбо на карпаратыўчык 2 студзеня, які адбудзецца ў адным са сталічных рэстаранаў.
— У ноч з 31 на 1 будзе адна цана, а на 2 студзеня — іншая, — адказалі нам. — Калі працаваць у Мінску ў рэстаране, і выступленне будзе доўжыцца прыкладна паўтары гадзіны,
то гэта будзе каштаваць 3000 долараў. Калі 2 студзеня — 2000 долараў тыя ж паўтары гадзіны.
Дарэчы, на навагоднюю ноч у групы
— У нас звычайна некалькі выступленняў за навагоднюю ноч бывае, — удакладняюць менеджары групы.
Наталля Падольская працуе ў Сочы
Канцэртны адміністратар спявачкі Наталлі Падольскай адразу сказаў, што прапановы выступленняў на Новы год ужо не разглядаюцца.
— У навагоднюю ноч Наталля будзе працаваць у Сочы, а 2 студзеня разам з мужам Уладзімірам Прасняковым яна ляціць на адпачынак, — паведаміў канцэртны адміністратар Алег Барцыа.
Дарэчы, у Сочы накіроўваецца і вядомы кампазітар Эдуард Ханок.
— Хутчэй за ўсё, 2 студзеня паеду ў Сочы — там кожны год у гэты час праходзіць дзіцячы фестываль, — распавядае кампазітар. — Магчыма, паеду туды і раней, на Новы год (зараз якраз пытанне вырашаецца). Звычайна я на Новы год не працую, калі толькі ў Сочы, у санаторыі «Белая Русь». Ды ў мяне і заказы такія рэдка бываюць: я ж не эстрадная зорка, а кампазітар і аўтар папулярных песень.
Аляксандр Кулінковіч: «Камп’ютаршчыкі замаўляюць рокераў»
Лідар гурта
— Калі запросяць, то, натуральна, абавязкова будзем працаваць, — гаворыць Аляксандр. — Хаця фірмы, якія традыцыйна запрашалі нас, «Крамбамбулю» і «Ляпісаў», наўрад ці запросяць нас усёй кампаніяй. Чаму? Думаю, уся справа ў чорных спісах — не выключана, што карпаратываў яны таксама тычацца.
Увогуле, мне падаецца, што беларускіх зорак не вельмі часта запрашаюць на навагоднія вечарынкі. Ва ўсякім выпадку, у нас не ідзе гаворка пра нейкі «навагодні чос», як у той жа Расіі. У нас усё больш сціпла: не той узровень і выканаўцаў, і спажывання. І калі нейкія буйныя (ці заможныя) фірмы могуць дазволіць сабе зладзіць дарагі карпаратыў, то дырэктары гэтых фірм, як правіла, не «спажыўцы»
ГрупаJ-Mors за выступленне ў навагоднюю ноч у Мінску просіць 5000 еўра. Ва ўсякім выпадку, менавіта такую суму агучылі нам па тэлефоне.
За гэтыя грошы група выйдзе на сцэну два разы.
— Спяваць будзем не толькі свой рэпертуар, але і навагоднія хіты, — адказалі нам на некаторыя ўдакладняючыя пытанні. — Мы падыдзем да гэтага пытання творча. Звычайна ніхто не крыўдзіцца. Але нават калі вы вырашыце нас запрасіць, мы возьмем некаторы час на роздум і канчаткова вызначымся, будзем працаваць ці не.
Аляксандр Саладуха канкрэтных лічбаў не агучвае
Вядомы артыст якраз днямі атрымаў запрашэнне на выступленне перад самым Новым годам.
— Буду выступаць гадзіну: 31 снежня з 22.30 да 23.30, — распавядае артыст. — Што тычыцца расцэнак, то ў межах Беларусі, я лічу, нармальна.
Аляксандр Саладуха кажа, што за апошніх восем гадоў нячаста працаваў у навагоднюю ноч.
— Мы якраз учора з жонкай успаміналі: за тыя восем гадоў, што мы разам, на Новы год я працаваў
Артыст прызнаецца, што не адразу пагадзіўся выступіць 31 снежня — спачатку параіўся з жонкай.
— І мы разам вырашылі, што трэба працаваць, — гаворыць ён. — Дарэчы, у апошні час у мяне няма праблем з працай.Напрыклад, якраз у гэтыя дні ў мяне ўпершыню за 25 гадоў працы на сцэне «трайнік» — тры сольныя канцэрты запар у адным горадзе — Смаргоні. І ўсе з аншлагам! Раней у мяне былі падвойныя канцэрты — два дні запар, а такое першы раз у жыцці. Па цяперашніх часах гэта вельмі крута, ды што тут распавядаць — у нас не ўсе беларускія зоркі поўныя залы збіраюць.
Саладуха кажа, што нядрэнна зарабляе на такіх канцэртах.
— У мяне калектыў 14 чалавек; з беларускіх зорак ужо даўно ніхто так не выязджае, — кажа ён. — Гук, святло, экран, праектар, тэхсклад толькі 5 чалавек!
Напрыканцы снежня артыст разам з сям’ёй з’язджае на Мальдзівы (пуцёўкі ён набыў яшчэ летам).
Альтэрнатыўны варыянт
Баль у Мірскім замку
У Мірскім замку ўпершыню пройдуць стылізаваныя калядныя балі. Праўда, адбудуцца яны ўжо пасля навагодняй ночы.
Цэны не завоблачныя: напрыклад, уваходны квіток на Венскі баль каштуе 500 тысяч рублёў.Гасцям абяцаюць жывую інструментальную музыку, неапалітанскія напевы, выступ оперных зорак і іншыя забавы. Свецкі рэтрасалон
Між іншым вядома, што некаторыя людзі яшчэ некалькі тыдняў назад браніравалі нумары ў гатэлі, каб сустрэць Раство ў Мірскім замку. Нумары, дарэчы, каштавалі таксама не надта дорага: 720 000 беларускіх рублёў — нумары «камфорт», 950 000 — люкс аднаўзроўневы, 1 275 000 — люкс двухузроўневы.
Колькі каштуюць расійскія зоркі?
Цэннік на зорак расійскай эстрады даволі лёгка знайсці ў Інтэрнэце.
Вось толькі некаторыя кошты.
Крысціна Арбакайтэ — снежань, будныя дні — 30 000 еўра, выхадныя дні — 40 000 еўра, на выездзе — 100 000 еўра, навагодняя ноч у Маскве 30 хвілін — 50 000 еўра.
Лайма Вайкуле — снежань, у буйных гарадах ад 40 000 еўра.
Юлія Савічава — снежань, у Маскве 15 000 еўра, выезд 35 000–40 000, навагодняя ноч — 20 000–25 000 еўра.
Спявачкі Вера Брэжнева, Жанна Фрыске і Нюша за свае канцэрты просяць не больш як 50 тысяч еўра. Праўда, у саму навагоднюю ноч Вера Брэжнева патрабуе 150 тысяч еўра.
Украінская зорка Ані Лорак менш пераборлівая: за гадзіну свайго выступу ў навагоднюю ноч спявачка патрабуе «ўсяго» 60 тысяч еўра.
