My pasprabavali zamović na navahodniuju noč zorku biełaruskaj estrady. My naŭprost nabrali numary adkaznych za arhanizacyju kancertaŭ, jakija paznačany na aficyjnych sajtach niekatorych artystaŭ. I voś što atrymałasia.
Hrupa
Zakazy na vystupleńnie artystaŭ u navahodniuju noč jašče prymajucca. Nielha skazać, što rascenki nadta vysokija. Naprykład, my sprabavali zamović artystaŭ albo na navahodniuju noč, albo na karparatyŭčyk 2 studzienia, jaki adbudziecca ŭ adnym sa staličnych restaranaŭ.
— U noč z 31 na 1 budzie adna cana, a na 2 studzienia — inšaja, — adkazali nam. — Kali pracavać u Minsku ŭ restaranie, i vystupleńnie budzie doŭžycca prykładna paŭtary hadziny,
to heta budzie kaštavać 3000 dołaraŭ. Kali 2 studzienia — 2000 dołaraŭ tyja ž paŭtary hadziny.
Darečy, na navahodniuju noč u hrupy
— U nas zvyčajna niekalki vystupleńniaŭ za navahodniuju noč byvaje, — udakładniajuć mieniedžary hrupy.
Natalla Padolskaja pracuje ŭ Sočy
Kancertny administratar śpiavački Natalli Padolskaj adrazu skazaŭ, što prapanovy vystupleńniaŭ na Novy hod užo nie razhladajucca.
— U navahodniuju noč Natalla budzie pracavać u Sočy, a 2 studzienia razam z mužam Uładzimiram Praśniakovym jana lacić na adpačynak, — paviedamiŭ kancertny administratar Aleh Barcya.
Darečy, u Sočy nakiroŭvajecca i viadomy kampazitar Eduard Chanok.
— Chutčej za ŭsio, 2 studzienia pajedu ŭ Sočy — tam kožny hod u hety čas prachodzić dziciačy fiestyval, — raspaviadaje kampazitar. — Mahčyma, pajedu tudy i raniej, na Novy hod (zaraz jakraz pytańnie vyrašajecca). Zvyčajna ja na Novy hod nie pracuju, kali tolki ŭ Sočy, u sanatoryi «Biełaja Ruś». Dy ŭ mianie i zakazy takija redka byvajuć: ja ž nie estradnaja zorka, a kampazitar i aŭtar papularnych piesień.
Alaksandr Kulinkovič: «Kampjutarščyki zamaŭlajuć rokieraŭ»
Lidar hurta
— Kali zaprosiać, to, naturalna, abaviazkova budziem pracavać, — havoryć Alaksandr. — Chacia firmy, jakija tradycyjna zaprašali nas, «Krambambulu» i «Lapisaŭ», naŭrad ci zaprosiać nas usioj kampanijaj. Čamu? Dumaju, usia sprava ŭ čornych śpisach — nie vyklučana, što karparatyvaŭ jany taksama tyčacca.
Uvohule, mnie padajecca, što biełaruskich zorak nie vielmi časta zaprašajuć na navahodnija viečarynki. Va ŭsiakim vypadku, u nas nie idzie havorka pra niejki «navahodni čos», jak u toj ža Rasii. U nas usio bolš ścipła: nie toj uzrovień i vykanaŭcaŭ, i spažyvańnia. I kali niejkija bujnyja (ci zamožnyja) firmy mohuć dazvolić sabie zładzić darahi karparatyŭ, to dyrektary hetych firm, jak praviła, nie «spažyŭcy»
HrupaJ-Mors za vystupleńnie ŭ navahodniuju noč u Minsku prosić 5000 jeŭra. Va ŭsiakim vypadku, mienavita takuju sumu ahučyli nam pa telefonie.
Za hetyja hrošy hrupa vyjdzie na scenu dva razy.
— Śpiavać budziem nie tolki svoj repiertuar, ale i navahodnija chity, — adkazali nam na niekatoryja ŭdakładniajučyja pytańni. — My padydziem da hetaha pytańnia tvorča. Zvyčajna nichto nie kryŭdzicca. Ale navat kali vy vyrašycie nas zaprasić, my voźmiem niekatory čas na rozdum i kančatkova vyznačymsia, budziem pracavać ci nie.
Alaksandr Saładucha kankretnych ličbaŭ nie ahučvaje
Viadomy artyst jakraz dniami atrymaŭ zaprašeńnie na vystupleńnie pierad samym Novym hodam.
— Budu vystupać hadzinu: 31 śniežnia z 22.30 da 23.30, — raspaviadaje artyst. — Što tyčycca rascenak, to ŭ miežach Biełarusi, ja liču, narmalna.
Alaksandr Saładucha kaža, što za apošnich vosiem hadoŭ niačasta pracavaŭ u navahodniuju noč.
— My jakraz učora z žonkaj uspaminali: za tyja vosiem hadoŭ, što my razam, na Novy hod ja pracavaŭ
Artyst pryznajecca, što nie adrazu pahadziŭsia vystupić 31 śniežnia — spačatku paraiŭsia z žonkaj.
— I my razam vyrašyli, što treba pracavać, — havoryć jon. — Darečy, u apošni čas u mianie niama prablem z pracaj.Naprykład, jakraz u hetyja dni ŭ mianie ŭpieršyniu za 25 hadoŭ pracy na scenie «trajnik» — try solnyja kancerty zapar u adnym horadzie — Smarhoni. I ŭsie z anšłaham! Raniej u mianie byli padvojnyja kancerty — dva dni zapar, a takoje pieršy raz u žyćci. Pa ciapierašnich časach heta vielmi kruta, dy što tut raspaviadać — u nas nie ŭsie biełaruskija zorki poŭnyja zały źbirajuć.
Saładucha kaža, što niadrenna zarablaje na takich kancertach.
— U mianie kalektyŭ 14 čałaviek; ź biełaruskich zorak užo daŭno nichto tak nie vyjazdžaje, — kaža jon. — Huk, śviatło, ekran, prajektar, techskład tolki 5 čałaviek!
Naprykancy śniežnia artyst razam ź siamjoj źjazdžaje na Maldzivy (pucioŭki jon nabyŭ jašče letam).
Alternatyŭny varyjant
Bal u Mirskim zamku
U Mirskim zamku ŭpieršyniu projduć stylizavanyja kaladnyja bali. Praŭda, adbuducca jany ŭžo paśla navahodniaj nočy.
Ceny nie zavobłačnyja: naprykład, uvachodny kvitok na Vienski bal kaštuje 500 tysiač rubloŭ.Haściam abiacajuć žyvuju instrumientalnuju muzyku, nieapalitanskija napievy, vystup opiernych zorak i inšyja zabavy. Śviecki retrasałon
Miž inšym viadoma, što niekatoryja ludzi jašče niekalki tydniaŭ nazad braniravali numary ŭ hateli, kab sustreć Rastvo ŭ Mirskim zamku. Numary, darečy, kaštavali taksama nie nadta doraha: 720 000 biełaruskich rubloŭ — numary «kamfort», 950 000 — luks adnaŭzroŭnievy, 1 275 000 — luks dvuchuzroŭnievy.
Kolki kaštujuć rasijskija zorki?
Ceńnik na zorak rasijskaj estrady davoli lohka znajści ŭ Internecie.
Voś tolki niekatoryja košty.
Kryścina Arbakajte — śniežań, budnyja dni — 30 000 jeŭra, vychadnyja dni — 40 000 jeŭra, na vyjeździe — 100 000 jeŭra, navahodniaja noč u Maskvie 30 chvilin — 50 000 jeŭra.
Łajma Vajkule — śniežań, u bujnych haradach ad 40 000 jeŭra.
Julija Savičava — śniežań, u Maskvie 15 000 jeŭra, vyjezd 35 000–40 000, navahodniaja noč — 20 000–25 000 jeŭra.
Śpiavački Viera Brežnieva, Žanna Fryskie i Niuša za svaje kancerty prosiać nie bolš jak 50 tysiač jeŭra. Praŭda, u samu navahodniuju noč Viera Brežnieva patrabuje 150 tysiač jeŭra.
Ukrainskaja zorka Ani Łorak mienš pieraborlivaja: za hadzinu svajho vystupu ŭ navahodniuju noč śpiavačka patrabuje «ŭsiaho» 60 tysiač jeŭra.
