17.12.2012 / 18:28

Верніка царквы «Новае жыццё» выклікалі ў контрвыведку 3

Яго распытвалі пра пратэстантызм.

Гэта быў хлопец, які праходзіць тэрміновую службу ў войску. Як паведаміў юрыст царквы Сяргей Луканін, допыт адбыўся 16 снежня і цягнуўся цэлыя 4 гадзіны. Ён адзначае, што хлопец у войску не хаваў сваіх рэлігійных перакананняў. Але ўсё роўна для яго гэты быў вялікі стрэс.

У навабранца распытвалі, з якімі краінамі ў царквы ёсць сувязі, хто такі Сяргей Луканін, адкуль у «Новага жыцця» грошы.

Луканін заўважае, што «мы нічога не хаваем: грошы ў нас толькі ад нашых вернікаў».

Юрыст называе сябе публічный асобай і не думае, што інфармацыі пра яго няма ў спеслужбаў, каб пра гэта распытваць верніка царквы. У дадатак, ён упэўнены, што яго тэлефон праслухоўваецца. Луканін паведаміў, што падобныя размовы / допыты са спецслужбамі адбываюцца перыядычна ў пастараў і вернікаў.

Пратэстанцкая царква «Новае жыццё» знаходзіцца ў Мінску. Яна трапляла некалькі разоў у навіны праз тое, што ўлады спрабавалі забраць будынак царквы. пачалося тое ў 2006 годзе, калі многія вернікі гэтай царквы ўдзельнічалі ў Плошчы. Апошні раз патрабаванне вызваліць будынак паступала ў канцы лістапада. Але праз тыдзень мінскія ўлады адмовіліся ад сваіх прэтэнзій.

Сяргей Макарэвіч

0
I'by / Адказаць
17.12.2012 / 20:22
<трапляла некалькі разоў у скандалы праз тое, што ўлады спрабавалі забраць будынак царквы> - неяк некарэктна гэта напісана. Таксама, як бы некарэктна гучала і "Партыя БНФ трапляла ў скандалы" ці "ПЦ "Вясна" трапляў у скандалы" з-за таго, што ўлады забіралі ў іх памяшканьне.
0
мглин / Адказаць
18.12.2012 / 07:26
У нас еще и контрразведка есть ? Очень оригинально.
0
Partyzan / Адказаць
18.12.2012 / 15:25
РПЦ і КГБ аб'ядналіся?
Каб пакінуць каментар, калі ласка, актывуйце JavaScript у наладах свайго браўзеру