Heta byŭ chłopiec, jaki prachodzić terminovuju słužbu ŭ vojsku. Jak paviedamiŭ juryst carkvy Siarhiej Łukanin, dopyt adbyŭsia 16 śniežnia i ciahnuŭsia cełyja 4 hadziny. Jon adznačaje, što chłopiec u vojsku nie chavaŭ svaich relihijnych pierakanańniaŭ. Ale ŭsio roŭna dla jaho hety byŭ vialiki stres.
U navabranca raspytvali, ź jakimi krainami ŭ carkvy jość suviazi, chto taki Siarhiej Łukanin, adkul u «Novaha žyćcia» hrošy.
Łukanin zaŭvažaje, što «my ničoha nie chavajem: hrošy ŭ nas tolki ad našych viernikaŭ».
Juryst nazyvaje siabie publičnyj asobaj i nie dumaje, što infarmacyi pra jaho niama ŭ śpiesłužbaŭ, kab pra heta raspytvać viernika carkvy. U dadatak, jon upeŭnieny, što jaho telefon prasłuchoŭvajecca. Łukanin paviedamiŭ, što padobnyja razmovy / dopyty sa śpiecsłužbami adbyvajucca pieryjadyčna ŭ pastaraŭ i viernikaŭ.
Pratestanckaja carkva «Novaje žyćcio» znachodzicca ŭ Minsku. Jana traplała niekalki razoŭ u naviny praz toje, što ŭłady sprabavali zabrać budynak carkvy. pačałosia toje ŭ 2006 hodzie, kali mnohija vierniki hetaj carkvy ŭdzielničali ŭ Płoščy. Apošni raz patrabavańnie vyzvalić budynak pastupała ŭ kancy listapada. Ale praz tydzień minskija ŭłady admovilisia ad svaich pretenzij.
