21.12.2012 / 21:20

Пад шумок: паслугі МТІС даражэюць на 21-33% 2

Павышэнне тарыфаў тлумачыцца ўключэннем у іх склад падатку на дададзеную вартасць (20%), аднак не толькі ім.

Аператар кабельнага тэлебачання ў Беларусі кампанія МТІС абвесціла пра рост тарыфаў на свае паслугі. Ён выкліканы зменамі ў падатковым заканадаўстве. Ад 1 студзеня 2013 на паслугі сувязі будзе налічвацца падатак на дададзеную вартасць (20%). Большасць аператараў павялічвае тарыфы роўна на 20%.

Аднак МТІС пад шумок вырашыў ажыццявіць яшчэ адно падаражэнне: набор з шасці прапагандысцкіх каналаў, так званы «сацыяльны пакет», стане каштаваць на траціну больш.
Прагляд «Беларусь-1», АНТ, СТБ, «Беларусь-2», «РТР-Беларусь» і «НТВ-Беларусь» абыдзецца ў 360 рублёў кожны (замест 270 рублёў).

Пашыраны пакет падаражэў у меншай ступені - ад 21% да 30% у залежнасці ад колькасці транслюемых каналаў. Напрыклад, калі ў вас ідзе 15 каналаў, яны будуць каштаваць 8 960 рублёў замест 7 290 рублёў. Падаражанне складзе 23%.

Папярэдняе падаражанне было зафіксавана ў чэрвені 2012 года. Тады кожны сацыяльны канал стаў каштаваць на 42% больш.

ЯМ

0
Николай / Адказаць
21.12.2012 / 22:39
В Гомеле с начала 2012 года у оператора телесеть 7-8 социальных каналов стоят 5700 рублей - больше 700 рублей за канал. Причем ряд из них берутся не с цифрового источника, а аналогового, так как рекламные вставки делать туда не могут - такое было их объяснение.
0
рдс / Адказаць
21.12.2012 / 23:04
за бт еще и платить? задарма не нужен. со мтисом как надо: расторг договор, отключили антенну. потом сам подключился и смотри бесплатно. экономия за год почти 100$.
Каб пакінуць каментар, калі ласка, актывуйце JavaScript у наладах свайго браўзеру