10.09.2013 / 16:43

Школа маладога пісьменніка абвяшчае набоp 5

Пачынаецца другі набор навучэнцаў у Школу маладога пісьменніка пры Саюзе беларускіх пісьменнікаў на 2013–2014 навучальны год.

Заняткі будуць праходзіць у Мінску з сярэдзіны кастрычніка па травень два разы на месяц: у суботу (практычныя) і сераду (лекцыі і майстар-класы). Наведнікам з рэгіёнаў — спрыянне з даездам.

Навучанне ў Школе — бясплатнае, група — 15–20 чалавек, выкладанне будзе весціся па-беларуску.

Школа дзейнічае як нефармальны адукацыйны праект, сертыфікат аб яе заканчэнні не замяняе дыплома афіцыйных навучальных установаў.

Умовы для кандыдатаў:

Узрост — да 25 гадоў. Для падачы заяўкі кандыдату на залічэнне ў Школу неабходна даслаць свой уласны мастацкі тэкст любога жанру аб’ёмам ад 2 да 5 старонак, а таксама матывацыйны ліст з адказам на пытанне, чаму вы хочаце вучыцца ў пісьменніцкай школе.

Афармленне заяўкі:

Заяўкі прымаюцца па электроннай пошце да 1 кастрычніка па адрасе sbp@lit-bel.org. Тэму ліста пазначце як «Школа». Прозу і матывацыйны ліст дасылайце разам у адным файле фармату.doc. На першай старонцы пазначце сваё імя і прозвішча, поўны паштовы адрас, дату нараджэння, e-mail і кантактны нумар тэлефона.

Пры паспяховым залічэнні ў Школу вам паведамяць гэта да пачатку заняткаў праз кантакты, якія вы пакінулі. Заяўкі не рэцэнзуюцца.

0
Кнехт / Адказаць
11.09.2013 / 11:05
МАРА ГРАФАМАНА Калі б хто скінуў гадкоў ...наццаць, Дык рызыкнуў бы запісацца. А потым памяняў бы нік І распачаў пісаць раман. Казаў б ўсім, што я пісьменнік, А не якісьці графаман. Раман мой быў бы пацыфісцкі, З умоўнай назваю "Пра цыцкі". :)
0
Кнехт / Адказаць
11.09.2013 / 11:22
Казаў бы...
0
ээ / Адказаць
11.09.2013 / 11:24
І распачаў пісаць раман. … Раман мой быў бы пацыфісцкі, З умоўнай назваю "Пра цыцкі". )) а гэта што: Кнехт напiсаў(ла) 9 верасня 2013 у 15:48 Калі б я быў генэтыкам, дык замест цыцак "зрабіў бы" жанчынам скураныя сумкі як у кенгуру ?..
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру