Škoła maładoha piśmieńnika abviaščaje nabop 5

Zaniatki buduć prachodzić u Minsku ź siaredziny kastryčnika pa travień dva razy na miesiac: u subotu (praktyčnyja) i sieradu (lekcyi i majstar-kłasy). Naviednikam z rehijonaŭ — spryjańnie z dajezdam.

Navučańnie ŭ Škole — biaspłatnaje, hrupa — 15–20 čałaviek, vykładańnie budzie vieścisia pa-biełarusku.

Škoła dziejničaje jak niefarmalny adukacyjny prajekt, siertyfikat ab jaje zakančeńni nie zamianiaje dypłoma aficyjnych navučalnych ustanovaŭ.

Umovy dla kandydataŭ:

Uzrost — da 25 hadoŭ. Dla padačy zajaŭki kandydatu na zaličeńnie ŭ Škołu nieabchodna dasłać svoj ułasny mastacki tekst luboha žanru abjomam ad 2 da 5 staronak, a taksama matyvacyjny list z adkazam na pytańnie, čamu vy chočacie vučycca ŭ piśmieńnickaj škole.

Afarmleńnie zajaŭki:

Zajaŭki prymajucca pa elektronnaj pošcie da 1 kastryčnika pa adrasie sbp@lit-bel.org. Temu lista paznačcie jak «Škoła». Prozu i matyvacyjny list dasyłajcie razam u adnym fajle farmatu.doc. Na pieršaj staroncy paznačcie svajo imia i proźvišča, poŭny paštovy adras, datu naradžeńnia, e-mail i kantaktny numar telefona.

Pry paśpiachovym zaličeńni ŭ Škołu vam paviedamiać heta da pačatku zaniatkaŭ praz kantakty, jakija vy pakinuli. Zajaŭki nie recenzujucca.

0

0

0

0

0

0

Pres-słužba SBP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH