 |
Нагадаем, у кастрычніку гэтага году галоўны корпус медуніверсітэта два дні ўпрыгожваў няправільна вывешаны чырвона‑зялёны сцяг. На дадзены выпадак звярнуў увагу адміністрацыі Цэнтральнага раёну грамадскі актывіст Андрэй Аксёнаў. Днямі ён атрымаў адказ. У дакуменце Аксёнаву паведамілі, што кіраўніцтва медуніверсітэта папярэджана аб недапушчальнасці парушэння закона аб дзяржаўных сімвалах. Таксама ў лісце адзначаецца, што камендант галоўнага корпусу ўстановы пакараны вымовай, а прарэктар і начальнік аддзела па выхаваўчай працы — папярэджаннем.
Паводле Андрэя Аксёнава, вывешванне сцягаў зялёнай палоскай уверх назіраецца ў Гомелі другі раз за паўгады. Першы раз гэта здарылася на будынку адміністрацыі Цэнтральнага раёну. Аднак тады памылка была выпраўленая праз 5 хвілінаў, а чыноўнікі заявілі, што нічога падобнага не было.
