Nahadajem, u kastryčniku hetaha hodu hałoŭny korpus mieduniviersiteta dva dni ŭpryhožvaŭ niapravilna vyviešany čyrvona‑zialony ściah. Na dadzieny vypadak źviarnuŭ uvahu administracyi Centralnaha rajonu hramadski aktyvist Andrej Aksionaŭ. Dniami jon atrymaŭ adkaz. U dakumiencie Aksionavu paviedamili, što kiraŭnictva mieduniviersiteta papiaredžana ab niedapuščalnaści parušeńnia zakona ab dziaržaŭnych simvałach. Taksama ŭ liście adznačajecca, što kamiendant hałoŭnaha korpusu ŭstanovy pakarany vymovaj, a prarektar i načalnik adździeła pa vychavaŭčaj pracy — papiaredžańniem.
Pavodle Andreja Aksionava, vyviešvańnie ściahaŭ zialonaj pałoskaj uvierch nazirajecca ŭ Homieli druhi raz za paŭhady. Pieršy raz heta zdaryłasia na budynku administracyi Centralnaha rajonu. Adnak tady pamyłka była vypraŭlenaja praz 5 chvilinaŭ, a čynoŭniki zajavili, što ničoha padobnaha nie było.