25.07.2015 / 09:04

Сёння стануць вядомыя супернікі зборнай Беларусі па адборы на чэмпіянат свету — 2018 8

Сёння, 25 ліпеня, у Санкт-Пецярбургу, у Канстанцінаўскім палацы, пройдзе цырымонія папярэдняга лёсавання чэмпіянату свету па футболе — 2018 г., які адбудзецца ў Расіі. Яе пакажа ў прамым эфіры «Беларусь-5» (18:00), таксама яна будзе весціся на сайце fifa.com.

Лёсаванне пройдзе для Еўропы, Афрыкі, Акіяніі, а таксама Паўночнай і Цэнтральнай Амерыкаў. Адборачны турнір у Азіі ўжо стартаваў. 

Весці цырымонію лёсавання будуць вядомая мадэль Наталля Вадзянава і тэлевядучы Дзмітрый Шэпелеў. Мяркуецца, што ўдзел у лёсаванні возьме і кіраўнік Расіі Уладзімір Пуцін, які ў пятніцу адкрыў чэмпіянат свету па водных відах спорту ў Казані.

Еўрапейскія зборныя будуць падзеленыя на сем адборачных групаў па шэсць камандаў і дзве групы па пяць камандаў. Гульні пройдуць з 4 верасня 2016 г. па 10 кастрычніка 2017 года. Дзевяць пераможцаў груп трапляюць на ЧС-2018 наўпрост. Восем найлепшых зборных сярод камандаў, якія занялі другія месцы ў сваіх групах, правядуць стыкавыя матчы ў лістападзе 2017 года.

Кошыкі для лёсавання былі сфармаваныя пасля публікацыі ліпеньскага рэйтынгу ФІФА. Зборная Беларусі трапіла ў нізкі пяты кошык (у яе 100-е месца ў рэйтынгу).

Першы кошык: Германія, Бельгія, Галандыя, Партугалія, Румынія, Англія, Уэльс, Іспанія, Харватыя.

Другі кошык: Славакія, Аўстрыя, Італія, Швейцарыя, Чэхія, Францыя, Ісландыя, Данія, Боснія і Герцагавіна.

Трэці кошык: Украіна, Шатландыя, Польшча, Венгрыя, Швецыя, Албанія, Паўночная Ірландыя, Сербія, Грэцыя.

Чацвёрты кошык: Турцыя, Славенія, Ізраіль, Ірландыя, Нарвегія, Балгарыя, Фарэрскія выспы, Чарнагорыя, Эстонія.

Пяты кошык: Кіпр, Латвія, Арменія, Фінляндыя, Беларусь, Македонія, Азербайджан, Літва, Малдова.

Шосты кошык: Казахстан, Люксембург, Ліхтэнштэйн, Грузія, Мальта, Сан-Марына, Андора.

У адборачную групу трапляе па адной камандзе з кожнага кошыка.

nn.by

0
andy / Адказаць
25.07.2015 / 10:00
Уэльс, Ісландыя, Паўночная Ірландыя, Фарэры, Беларусь, Сан-Марына)) і, напрыклад, Германія, Італія, Швецыя, Турцыя, Фінляндыя, Казахстан))) а дзе, дарэчы, Гібралтар?
0
0 / Адказаць
25.07.2015 / 11:02
Каб было на каго паглядзець, няхай будзе так: Германія (Англія), Францыя (Італія), Швецыя (Украіна), Турцыя (Нарвегія), Беларусь, Казахстан (Грузія). Да таго ж, у Украіны і Турцыі - самыя прыгожыя гімны (на мой густ). Каб было болей шанцаў, няхай будзе так: Уэльс, Ісландыя, Албанія, Фарэрскія Выспы, Беларусь, Сан-Марына.
0
бубама / Адказаць
25.07.2015 / 11:39
C 5 кошыка поедут на чемпианат только зрителями.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру