Siońnia, 25 lipienia, u Sankt-Pieciarburhu, u Kanstancinaŭskim pałacy, projdzie cyrymonija papiaredniaha losavańnia čempijanatu śvietu pa futbole — 2018 h., jaki adbudziecca ŭ Rasii. Jaje pakaža ŭ pramym efiry «Biełaruś-5» (18:00), taksama jana budzie vieścisia na sajcie fifa.com.
Losavańnie projdzie dla Jeŭropy, Afryki, Akijanii, a taksama Paŭnočnaj i Centralnaj Amierykaŭ. Adboračny turnir u Azii ŭžo startavaŭ.
Vieści cyrymoniju losavańnia buduć viadomaja madel Natalla Vadzianava i televiadučy Dźmitryj Šepieleŭ. Miarkujecca, što ŭdzieł u losavańni voźmie i kiraŭnik Rasii Uładzimir Pucin, jaki ŭ piatnicu adkryŭ čempijanat śvietu pa vodnych vidach sportu ŭ Kazani.
Jeŭrapiejskija zbornyja buduć padzielenyja na siem adboračnych hrupaŭ pa šeść kamandaŭ i dźvie hrupy pa piać kamandaŭ. Hulni projduć z 4 vieraśnia 2016 h. pa 10 kastryčnika 2017 hoda. Dzieviać pieramožcaŭ hrup traplajuć na ČS-2018 naŭprost. Vosiem najlepšych zbornych siarod kamandaŭ, jakija zaniali druhija miescy ŭ svaich hrupach, praviaduć stykavyja matčy ŭ listapadzie 2017 hoda.
Košyki dla losavańnia byli sfarmavanyja paśla publikacyi lipieńskaha rejtynhu FIFA. Zbornaja Biełarusi trapiła ŭ nizki piaty košyk (u jaje 100-je miesca ŭ rejtynhu).
Pieršy košyk: Hiermanija, Bielhija, Hałandyja, Partuhalija, Rumynija, Anhlija, Uels, Ispanija, Charvatyja.
Druhi košyk: Słavakija, Aŭstryja, Italija, Šviejcaryja, Čechija, Francyja, Isłandyja, Danija, Bośnija i Hiercahavina.
Treci košyk: Ukraina, Šatłandyja, Polšča, Vienhryja, Šviecyja, Ałbanija, Paŭnočnaja Irłandyja, Sierbija, Hrecyja.
Čaćviorty košyk: Turcyja, Słavienija, Izrail, Irłandyja, Narviehija, Bałharyja, Farerskija vyspy, Čarnahoryja, Estonija.
Piaty košyk: Kipr, Łatvija, Armienija, Finlandyja, Biełaruś, Makiedonija, Azierbajdžan, Litva, Małdova.
Šosty košyk: Kazachstan, Luksiemburh, Lichtenštejn, Hruzija, Malta, San-Maryna, Andora.
U adboračnuju hrupu traplaje pa adnoj kamandzie z kožnaha košyka.
