Грамадства1212

БДУ ўсё ж увёў аплату за пераздачы экзаменаў і залікаў

У БДУ прынялі рашэнне аб аплаце паўторнай здачы залікаў і экзамена. Дакумент зацверджаны загадам рэктара Сяргея Абламейкі ад 12 лістапада, паведамляе прэс-служба галоўнай ВНУ краіны. 

Палажэнне «Аб арганізацыі атэстацыі асоб, якія не здалі экзамены, залікі, не прайшлі іншыя формы кантролю вынікаў навучальнай дзейнасці, прадугледжаныя вучэбнымі планамі, і ліквідацыі розніцы ў вучэбных планах у Беларускім дзяржаўным універсітэце» вызначае парадак збірання платы за паўторнае праходжанне бягучай і выніковай атэстацыі, а таксама ліквідацыі акадэмічнай розніцы. Дакумент набывае моц 1 студзеня 2016 года. 

Як адзначае прэс-служба, пры ўвядзенні платы за ліквідацыю акадэмічнай завінавачанасці БДУ зыходзіць з нормаў дзейнага заканадаўства Рэспублікі Беларусі — Кодэкса аб адукацыі, а таксама правілаў правядзення атэстацыі студэнтаў, курсантаў, слухачоў пры засваенні зместу адукацыйных праграм вышэйшай адукацыі, зацверджаных пастановай Мінадукацыі. 

«У базавы кошт атрымання адукацыі, як фінансаванай з дзяржаўнага бюджэту, так і за кошт уласных сродкаў грамадзян, уваходзіць толькі аднаразовая здача залікаў і экзаменаў, — гаворыцца ў паведамленні. — У выпадку ўзнікнення акадэмічнай завінавачанасці дзейнае заканадаўства тлумачыць такую пераздачу як адукацыйную паслугу, што павінна аказвацца пры ўмове пакрыцця яе кошту». 

Прэс-служба звяртае ўвагу на тое, што «плата за паўторную здачу залікаў і экзаменаў ужо даўно ўведзеная ў большасці беларускіх ВНУ». «З мэтай павышэння навучальнай дысцыпліны, адказнасці студэнтаў такое палажэнне ўведзенае і ў БДУ. Зараз студэнтам, якія дапусцілі акадэмічную завінавачанасць, у тым ліку ў выпадках нез'яўлення без уважлівых прычын на экзамен ці залік, неабходна будзе аплаціць паўторную здачу. Унясенне платы за паўторную здачу экзаменаў і залікаў стане дадатковым стымулам для тых, хто не надае належнай увагі вучобе ў ВНУ», — лічаць у адміністрацыі БДУ. 

Студэнты арганізавалі збор подпісаў пад зваротам да Сяргея Абламейкі і міністра адукацыі Міхаіла Жураўкова супраць увядзення платы за пераздачу залікаў і экзаменаў. Яны лічаць, што стымулам да вучобы з'яўляецца не ўвядзенне платы, а стыпендыя, якая можа павялічвацца і паніжацца ў залежнасці ад паспяховасці. Па стане на 11 лістапада пад зваротам падпісаліся 2,5 тысячы чалавек.

Каментары12

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню61

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Усе навіны →
Усе навіны

«Матрошкамі ўжо не здзівіш». У Расіі заклікалі стварыць свой аналаг Лабубу3

Вядучая «Марафону адзінства» ў падтрымку Лукашэнкі адпачывала ў Латвіі27

На поўначы Брэста працягвае смярдзець, улады заклікаюць «не панікаваць»2

Са Швецыі дэпартуюць яшчэ адну беларускую сям'ю11

Пад Быхавам адкрылі помнік археалагічнай знаходцы 1960 года. Ён падобны да надмагілля

Ва Украіне пад уплывам пратэстаў вяртаюць незалежнасць антыкарупцыйным органам8

У Мёрах падлетак прадаваў парнаграфію, выкарыстаўшы нумар суседа

Берасцеец ператварыў сямітонны валун у каменную ванну5

Мінчукі скардзяцца на атручванне пасля наведвання вядомага рэстарана. Працу ўстановы прыпынілі7

больш чытаных навін
больш лайканых навін

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню61

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Галоўнае
Усе навіны →

Заўвага:

 

 

 

 

Закрыць Паведаміць