15.05.2016 / 18:14

NASA абвясціла пачатак года самым гарачым у гісторыі назіранняў 2

Красавік 2016 года аказаўся самым гарачым за ўсю гісторыю назіранняў, гаворыцца ў справаздачы Нацыянальнага ўпраўлення па паветраплаванні і даследаванні касмічнай прасторы (NASA).

Табліца NASA складзеная на аснове сярэдніх значэнняў тэмпературы вады і паветра з 1951 па 1980 год — яны ўзятыя за 100. Лічбы больш за сотню азначаюць рост тэмпературы.

Адхіленне больш за 1% вышэй за сярэднія значэнні ад сярэдняга паказчыка 1951-1980 гадоў фіксуецца ўжо шосты месяц запар. Паводле прагнозаў навукоўцаў, тэндэнцыя да падвышэння тэмпературы захаваецца, перадае РІАН.

На наступным тыдні таксама будуць апублікаваныя дадзеныя Нацыянальнага ўпраўлення акіянічных і атмасферных даследаванняў ЗША, і эксперты мяркуюць, што апошнія 12 месяцаў паб'юць ўсе тэмпературныя рэкорды.

«Гэта палохае. Я не ведаю, што адбудзецца далей. Мы разумелі, што Эль-Ніньё (ваганне тэмпературы павярхоўнага пласта вады ў экватарыяльнай частцы Ціхага акіяна, якое ўздзейнічае на клімат) паўплывае на сітуацыю, але наўрад ці нехта чакаў такога скачка», — распавёў брытанскай газеце The Independent метэаролаг Эрык Хольтхаўс.

Навуковец папярэдзіў, што ў апошні час рост тэмператур адбываецца найбольш рэзка, і ён пачаў актыўна ўплываць на падводную флору і фауну. Напрыклад, за апошнія 18 месяцаў каля чвэрці наяўных у акіяне каралавых калоній пачалі пакутаваць на абескаляроўванне з-за акіслення і павышэння тэмпературы сусветнага акіяна, а марскія льды імкліва растаюць.

Метэаролаг прагназуе, што рэкордна высокая тэмпература будзе доўжыцца ад чатырох да шасці месяцаў.

0
Жвiр / Адказаць
15.05.2016 / 18:30
Navypraboūvalisia bombačak, nazapuskali rakietak u kosmas - atrymajcie reakcyju ziamli na heta. A vy dumajecie, čamu jany mienavita z 51-ha hodu admier uziali?
0
Злюка / Адказаць
15.05.2016 / 19:32
Их не поймёшь. То у них резкое обледенение в результате таянья ледников Арктики, то уже опять - потепление.. Уж как-то бы определились! А то у обывателя короткое замыкание в мозКе будет. Никак не поймет от чего человечество в этом году погибнет - потоп, или ледник ожидать!
Каб пакінуць каментар, калі ласка, актывуйце JavaScript у наладах свайго браўзеру