Муніцыпалітэт турэцкага горада Кемер ў правінцыі Анталья гатовы падарыць дом у курортным раёне сям'і загінулага ў лістападзе мінулага года пілота Су-24 Алега Пяшкова, паведаміў генеральны консул Расіі ў Антальі Аляксандр Таўстапяценка.
Кемер. Фота cheapholidays.com
Паводле яго слоў, такі намер выказала дэлегацыя гарадскіх уладаў, якая наведала консульства. На дадзены момант, па словах генконсула, рашэнне аб перадачы сям'і пілота дома ў Кемеры яшчэ не прынятае.
Раней прэс-сакратар прэзідэнта Турцыі Ібрагім Калын заявіў, што краіна гатовая разгледзець пытанне аб кампенсацыі родным пілота, каб «змякчыць боль сям'і (загінулага лётчыка)».
Гэтая заява прагучала пасля таго, як 27 чэрвеня прэзідэнт Турцыі Рэджэп Эрдаган выказаў шкадаванне (па версіі Крамля — прынёс прабачэнні) з нагоды збітага самалёта і заявіў пра гатоўнасць зрабіць усё магчымае для аднаўлення адносін паміж Турцыяй і Расіяй.
