Municypalitet tureckaha horada Kiemier ŭ pravincyi Antalja hatovy padaryć dom u kurortnym rajonie siamji zahinułaha ŭ listapadzie minułaha hoda piłota Su-24 Aleha Piaškova, paviedamiŭ hienieralny konsuł Rasii ŭ Antalji Alaksandr Taŭstapiacienka.
Kiemier. Fota cheapholidays.com
Pavodle jaho słoŭ, taki namier vykazała delehacyja haradskich uładaŭ, jakaja naviedała konsulstva. Na dadzieny momant, pa słovach hienkonsuła, rašeńnie ab pieradačy siamji piłota doma ŭ Kiemiery jašče nie pryniataje.
Raniej pres-sakratar prezidenta Turcyi Ibrahim Kałyn zajaviŭ, što kraina hatovaja razhledzieć pytańnie ab kampiensacyi rodnym piłota, kab «źmiakčyć bol siamji (zahinułaha lotčyka)».
Hetaja zajava prahučała paśla taho, jak 27 červienia prezident Turcyi Redžep Erdahan vykazaŭ škadavańnie (pa viersii Kramla — prynios prabačeńni) z nahody źbitaha samalota i zajaviŭ pra hatoŭnaść zrabić usio mahčymaje dla adnaŭleńnia adnosin pamiž Turcyjaj i Rasijaj.
