08.11.2016 / 16:48

У Мінскім раёне мужчына спрабаваў падпаліць супрацоўніц прадпрыемства, дзе працуе яго жонка 3

Крымінальная справа за пагрозу забойствам распачатая ў дачыненні да жыхара Мінскага раёна.

Як паведамілі ва УУС Мінскага аблвыканкама, некалькі дзён таму ў адным з сельскагаспадарчых прадпрыемстваў Мінскага раёна адбыўся інцыдэнт, у выніку якога маглі сур'ёзна пацярпець некалькі чалавек.

Паводле інфармацыі начальніка аддзялення аховы правапарадку і прафілактыкі Мачулішчанскага аддзела міліцыі Мінскага РУУС маёра міліцыі Андрэя Баднарчука, у дзяжурную частку паступіла паведамленне аб тым, што на прадпрыемстве мужчына аблівае работнікаў бензінам і спрабуе падпаліць. Супрацоўнікі міліцыі прыбылі на месца і затрымалі падазраванага.

Высветлілася, што затрыманы з'яўляецца мужам адной з работніц прадпрыемства. У гэты дзень ён прыйшоў да яе на працу, каб пагаварыць пра аднаўленне сямейных адносін. Пасля неаднаразовых няўдалых спробаў вярнуць прыхільнасць жонкі мужчына стаў пагражаць, што падпаліць жанчыну і сябе разам з ёй. Затым ад пагроз перайшоў да дзеянняў. Пры сабе ў яго была пяцілітровая ёмістасць з бензінам. Адкрыўшы яе, мужчына стаў абліваць людзей, якія знаходзіліся з ім побач. Так, некалькі працаўніц прадпрыемства, якія спрабавалі абараніць сваю сяброўку, таксама трапіліся яму пад руку. Напалоханыя жанчыны кінуліся бегчы, калі мужчына дастаў запалкі. Нападніка змаглі спыніць іншыя працаўнікі прадпрыемства. Яны і выклікалі міліцыю.

nn.by

0
Почва благодатная / Адказаць
08.11.2016 / 16:57
Сумасошедшие растут в геометрической процессии
2
Вот / Адказаць
08.11.2016 / 23:29
Это не угроза, это покушение
1
Трололошеньки / Адказаць
09.11.2016 / 07:20
Бензопила, бензин, танчики, ножи - что с нашей страной от мала до велика? Радиация, СМИ или затянувшееся правление солнцеподобного ?
Каб пакінуць каментар, калі ласка, актывуйце JavaScript у наладах свайго браўзеру