Лукашэнка сёньня зрабіў шэраг кадравых прызначэньняў.
У прыватнасьці, Леанід Фармагей прызначаны начальнікам ГУУС Менгарвыканкаму.
Зь лістапада 2001 г. па кастрычнік 2002 г. ён быў начальнікам Упраўленьня ДАІ МУС Беларусі — начальнікам рэспубліканскага ДАІ. Загадам міністра ўнутраных спраў 31 кастрычніка 2002 г. быў вызвалены ад займаемай пасады з фармулёўкай: ня справіўся з абавязкамі. Леаніда Фармагея зьнялі за «адсутнасьць належнага кантролю за працай камісій, што праводзілі пераатэстацыю работнікаў ДАІ ў афіцэрскія званьні».
Фармагей быў вядомы як ініцыятар рэфармаваньня ДАІ і МУС. Ён, напрыклад, прапаноўваў пакінуць на трасах толькі афіцэраў, забараніўшы ім зьбіраць штрафы на месцы.
З сакавіка 2007 г. Л. Фармагей быў начальнікам Упраўленьня ўнутраных спраў Віцебскага аблвыканкама.
Цяпер ужо былы начальнік ГУУС Менгарвыканкаму Анатоль Куляшоў прызначаны намесьнікам міністра ўнутраных спраў – начальнікам міліцыі грамадзкай бясьпекі.
На месца Фармагея ў Віцебск (начальнікам УУС Віцебскага аблвыканкаму) адпраўляецца Аляксандар Найдзенка. Ён быў намесьнікам начальніка ГУУС – начальнікам міліцыі грамадзкай бясьпекі і спэцыяльнай міліцыі
Аляксей Ялфімаў, Аляксандар Канавалаў, Станіслаў Зась прызначаныя намесьнікамі Дзяржсакратара Савета бясьпекі;
Андрэй Гарулька – першым намесьнікам старшыні Дзяржпагранкамітэта – начальнікам галоўнага апэратыўнага упраўленьня;
Анатоля Лапо – намесьнікам старшыні Памежнага камітэту – начальнікам галоўнага ўпраўленьня матэрыяльна-тэхнічнага забесьпячэньня;
Віктара Філістовіча – намесьнікам міністра ўнутраных спраў – начальнікам галоўнага ўпраўленьня кадраў (статс-сакратаром)
Івана Саўчыца – начальнікам УУС Менскага аблвыканкаму;
Фёдара Балейку – начальнікам УУС Магілёўскага аблвыканкаму.
Кіраўнік дзяржавы таксама даў згоду на прызначэньне Віктара Жыбуртовіча – афіцыйным прадстаўніком МУС у Пасольстве Рэспублікі Беларусь у Польшчы
