EPA
Свабодная дэмакратычная партыя (СвДП, лібералы) выйшла з перамоваў аб стварэнні кіруючай парламенцкай кааліцыі ў Германіі. Пра гэта ў панядзелак, 20 лістапада, паведамляе нямецкі Spiegel.
Лідар СвДП Крысціян Лінднэр растлумачыў, што ў адваротным выпадку партыя вымушана была б адмовіцца ад сваіх перакананняў і прынцыпаў, таму для яе «лепш не кіраваць, чым кіраваць няправільна».
Услед за лібераламі ад удзелу ў фарміраванні кааліцыі адмовіліся і сацыял-дэмакраты. Затым такое ж рашэнне прынялі і «Зялёныя».
Канцлер Ангела Меркель выказала шкадаванне з-за такога зрыву перамоваў. Паводле яе слоў, гэтая сітуацыя - нагода задумацца пра тое, што адбываецца ў краіне. Яна мае намер у бліжэйшы час праінфармаваць аб усім прэзідэнта Франка-Вальтэра Штайнмаера.
Не выключана, што Нямеччыну чакаюць новыя выбары, а чацвёрты тэрмін Меркель пад пытаннем, дадае Бі-бі-сі.
Прынамсі няздольнасць стварыць кааліцыю большасці ў парламенце звяжа рукі Меркель. Аслабленаму ўраду прыйдзецца асцярожнічаць з боязі разгубіць рэшткі папулярнасці.
Акрамя таго, адсутнасць шырокай падтрымкі дома падарве былы аўтарытэт Меркель у Еўропе, дзе да гэтага часу лідар найбуйнейшай эканомікі ЕС грала ключавую ролю ў забеспячэнні адзінства блока ў такіх балючых пытаннях, як захаванне санкцый супраць Расіі або ўрэгуляванне доўгу Грэцыі.
Друкуецца ў межах спецыяльнай рубрыкі «Навіны Германіі»
