EPA
Svabodnaja demakratyčnaja partyja (SvDP, libierały) vyjšła ź pieramovaŭ ab stvareńni kirujučaj parłamienckaj kaalicyi ŭ Hiermanii. Pra heta ŭ paniadziełak, 20 listapada, paviedamlaje niamiecki Spiegel.
Lidar SvDP Kryścijan Lindner rastłumačyŭ, što ŭ advarotnym vypadku partyja vymušana była b admovicca ad svaich pierakanańniaŭ i pryncypaŭ, tamu dla jaje «lepš nie kiravać, čym kiravać niapravilna».
Uśled za libierałami ad udziełu ŭ farmiravańni kaalicyi admovilisia i sacyjał-demakraty. Zatym takoje ž rašeńnie pryniali i «Zialonyja».
Kancler Anhieła Mierkiel vykazała škadavańnie z-za takoha zryvu pieramovaŭ. Pavodle jaje słoŭ, hetaja situacyja - nahoda zadumacca pra toje, što adbyvajecca ŭ krainie. Jana maje namier u bližejšy čas prainfarmavać ab usim prezidenta Franka-Valtera Štajnmajera.
Nie vyklučana, što Niamieččynu čakajuć novyja vybary, a čaćviorty termin Mierkiel pad pytańniem, dadaje Bi-bi-si.
Prynamsi niazdolnaść stvaryć kaalicyju bolšaści ŭ parłamiencie źviaža ruki Mierkiel. Asłablenamu ŭradu pryjdziecca aściarožničać z bojazi razhubić reštki papularnaści.
Akramia taho, adsutnaść šyrokaj padtrymki doma padarvie były aŭtarytet Mierkiel u Jeŭropie, dzie da hetaha času lidar najbujniejšaj ekanomiki ES hrała klučavuju rolu ŭ zabieśpiačeńni adzinstva błoka ŭ takich balučych pytańniach, jak zachavańnie sankcyj suprać Rasii abo ŭrehulavańnie doŭhu Hrecyi.
Drukujecca ŭ miežach śpiecyjalnaj rubryki «Naviny Hiermanii»
