У кастрычніку 2017 года сталічная міліцыя затрымала маладога чалавека, падазраванага ў забойстве. Яго заўважыў таксіст, які ўбачыў, што ў цемры нехта цягне дзяўчыну па зямлі.
Калі таксіст спыніўся, мужчына збег. Дзяўчына была мёртвай.
Вядома, што забітую дзяўчыну звалі Алеся Буцько. Ёй быў 21 год. Алеся родам з Гомельскай вобласці, але апошнім часам жыла ў Мінску. Працавала ў адным з аддзяленняў «Беларусбанку» і вучылася на завочным у БДЭУ на ўлікова-эканамічным факультэце.
Затрыманы — беспрацоўны 21-гадовы ўраджэнец Ашмянскага раёна.
І вось Следчы камітэт распавёў падрабязнасці здарэння.
Аказваецца,падазраваны пазнаёміўся з Алесяй за 5 дзён да той ночы. І адразу адчуў сімпатыю да дзяўчыны.
У выніку ён запрасіў яе ў здымную хату па вуліцы Весніна. Там збіў і згвалціў, а пасля задушыў.
Фота — Следчы камітэт
Затым збіраўся інсцэнаваць разбойны напад на пацярпелую, для чаго вынес цела забітай у лесапаркавую зону побач з домам і раскідаў яе рэчы. Але яго заўважыў таксіст.
Фота - Следчы камітэт
Цяпер крымінальная справа перададзена ў суд.
Мужчыну пагражае расстрэл.
