09.08.2018 / 18:32

Мужчына дзеля сэлфі залез на вышку вайсковай часці ў Вілейскім раёне 5

Ілюстрацыйнае фота.

Міліцыя разглядае магчымасць прыцягнуць мужчыну да адміністрацыйнай адказнасці за незаконнае пранікненне на аб'екты, што знаходзяцца пад аховай.

— Інцыдэнт адбыўся 6 жніўня днём, — пракаментавала здарэнне намеснік начальніка Вілейскага РАУС Кацярына Млячко.

— 36-гадовы жыхар Мозыра залез на адну з вышак, размешчаных на тэрыторыі вайсковай часткі ў вёсцы Шылавічы, і зрабіў сэлфі. Яго ўбачыў выканаўца абавязкаў камандзіра вайсковай часці і паведаміў у РАУС. На месца выкліку выехала аператыўная група, правапарушальніка затрымалі.

На допыце «скалалаз» растлумачыў, што пасля разводу і звальнення з працы ён вырашыў аўтастопам павандраваць па роднай Беларусі, убачыў вышкі ў Шылавічах і захацеў экстрыму. Ён праігнараваў таблічкі папярэджання пра тое, што пранікае на аб’ект, які ахоўваецца, і залез на адну з вышак зрабіць сэлфі. Пасля яго затрымання здымак знішчылі.

Міліцыя разглядае магчымасць прыцягнуць мужчыну да адміністрацыйнай адказнасці па артыкуле «Незаконнае пранікненне на аб’екты, што ахоўваюцца». Санкцыя па дадзеным артыкуле — штраф ад дзесяці да трыццаці базавых велічынь або адміністрацыйны арышт.

Лёс правапарушальніка вырашыць суд.

0
Лёха Головин (Минск) / Адказаць
09.08.2018 / 19:16
Одни ЧП - в нашей армии ..... Бедный - Равков !.....
0
Мк3 / Адказаць
09.08.2018 / 19:31
В западсетьэлектрострой пускай идёт работать.селфи там много надоедает!!!!
0
25 / Адказаць
09.08.2018 / 22:04
Лёха Головин (Минск), это российская часть
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру