28.08.2018 / 13:53

Брэсцкія чыгуначнікі выкапалі тунэль, каб красці салярку 8

У Брэсце супрацоўнікі ўпраўлення па барацьбе з эканамічнымі злачынствамі затрымалі групу чыгуначнікаў, якія кралі дызельнае паліва з цеплавозаў. Падрабязнасці БЕЛТА паведаміў афіцыйны прадстаўнік УУС аблвыканкама Сяргей Дучэнка.

Паводле звестак міліцыянтаў, злачынная схема выглядала наступным чынам. Побач з чыгункай зламыснікі арандавалі гараж, у якім паставілі спецыяльныя паліўныя помпы і ёмістасці для крадзенага паліва. Ад гаража да чыгункі яны прасвідравалі тунэль з трубаправодам. Цеплавоз падганялі да дамоўленага месца на запасной каляіне. Пасля гэтага адзін з чыгуначнікаў падлучаў шланг да паліўнага бака і па радыёстанцыі паведамляў пра гатоўнасць. Яго саўдзельнік у гаражы уключаў помпу, і яны адпампоўвалі паліва.

Пры аглядзе гаража праваахоўнікі выявілі каля 1500 літраў дызельнага паліва. На мужчын пачалі крымінальную справу за прысваенне або растрату, учыненыя паўторна або групай асоб паводле папярэдняй змовы.

0
Джорж / Адказаць
28.08.2018 / 14:24
Мексика снится пацанам?
7
Захарова Татьяна Викторовна (Брест ) / Адказаць
28.08.2018 / 15:14
Как людям платите за их работу - так вам люди и работают !!!  Обещали  по Пятьсот - так дайте хотя бы то  что Обещали !!!  Не даёте  что обещали - люди Сами Возьмут то  что ВЫ им Обещали !
0
Тор / Адказаць
28.08.2018 / 15:34
Абы войны не было..
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру