16.12.2018 / 15:04

На Брэсцкім мясакамбінаце гарэў цэх

Пры пажары на Брэсцкім мясакамбінаце эвакуявалі 42 чалавекі, паведамляе МНС.

Фота: МНС.

Паведамленне аб пажары ў каўбасна-кулінарным цэху паступіла днём 15 снежня. На той момант у двухпавярховым будынку цэха знаходзіліся 42 чалавекі. Загаранне адбылося на першым паверсе ў камеры ахаладжэння, прызначанай для захоўвання гатовай прадукцыі.

Да прыбыцця падраздзяленняў МНС з будынка эвакуявалі 40 чалавек. На другім паверсе засталіся два чалавекі 1963 і 1985 гадоў нараджэння, якія не маглі самастойна пакінуць цэх. Ім прыйшлі на дапамогу ратавальнікі, якія вывелі работнікаў з выкарыстаннем спецыяльных масак.

Агнём пашкоджана каля 150 кілаграм каўбасных вырабаў і 10 пластыкавых скрынь для захоўвання прадукцыі, закураны сцены і столь у камеры ахаладжэння. Пацярпелых няма.

Прычына пажару высвятляецца.

Каб пакінуць каментар, калі ласка, актывуйце JavaScript у наладах свайго браўзеру