Прэм'ера «Мсціўцаў: Фінал», што адбылася ў Мінску апоўначы, выклікала велізарны ажыятаж ФОТЫ
У Беларусі апоўначы адбылася прэм'ера фільма «Мсціўцы: Фінал» з кінасусвету Marvel. У першы ўік-энд пракату па ўсім свеце было сабрана 1,2 мільярда даляраў — гэта новы сусветны рэкорд па зборах.
У Расіі, а следам і Беларусі, яна была запланавана на 29 красавіка. У Мінску прыгожа выйшлі з сітуацыі, паставіўшы прэм'еру на апоўнач: у галоўных сталічных кінатэатрах пачатак паказу быў у 23.57, 23.58, 23.59.
Нягледзячы на гэта, на прэм'ерны паказ сабраліся сотні мінчукоў. На фота — чэргі ў «Дана моле». Паддаліся ажыятажу і журналісты «Нашай Нівы»:)
Фільм, дарэчы, ідзе больш за тры гадзіны. У інтэрнэце нават публікавалі спіс спойлераў, калі і на якой хвіліне будзе зручна выйсці ў прыбіральню. Бо цярпенне трэба каласальнае.
«Мсціўцы» будуць ісці ў сталічных кінатэатрах да 13 мая.
У «Мсціўцах: Фінал» сабраныя ўсе героі Marvel: і Чалавек-павук, і Жалезны чалавек, і Халк, і Капітан Амерыка, і Чалавек-муравей (яго грае беларус з паходжання Пол Рад (Рудніцкі), і Тор, і Чорная Удава, і Капітан Марвэл. Незвычайная канцэнтрацыя супергероў на квадратны метр.
Як напісаў кінакрытык «Мядузы» Антон Долін, ажыятаж публікі напярэдадні прэм'еры «Мсціўцы: Фінал» — гэта «найвышэйшая пахвала для мейнстрымнага фільма. Як і той факт, што любы глядач, які вытрымаў гэтыя тры гадзіны, у фінале абавязкова заплакаў слязьмі. З высокай верагоднасцю не раз».
Туск заявіў пра гатоўнасць адкрыць Баброўнікі і Кузніцу з лістапада63
Каментары