Delfi.lt
15 красавіка на пасяджэнні ўрада Літвы было прынята рашэнне аб змякчэнні абмежаванняў для часткі бізнэсу. Зможа працаваць малы бізнэс, калі гарантуе патрабаваную бяспеку, паведамляе Delfi.lt.
Прэм'ер-міністр Саўлюс Сквярняліс сказаў, што гэта першы этап змякчэння каранціну для бізнэсу. Адкрыцца змогуць невялікія крамы, уваход у якія знаходзіцца з вуліцы (крамы ў ГЦ пакуль будуць зачыненыя), а таксама пастаўшчыкі бытавых і рамонтных паслуг, калі ўваход у памяшканне да іх вядзе з вуліцы і ёсць магчымасць рэгуляваць паток кліентаў.
Салоны прыгажосці, вулічныя кафэ і спартклубы пакуль не змогуць працаваць.
Па стане на 15 красавіка ў Літве зафіксавалі 1091 выпадак каранавіруса, прычым тэмпы росту ў апошнія дні зменшыліся. 14 красавіка зафіксавалі 21 выпадак заражэння. За ўвесь час памерлі 29 чалавек.
