Драпежніка застрэлілі прыкладна за сем кіламетраў ад вёскі Ласіцк, якую ён атакаваў напярэдадні.
«Ва ўрочышчы Ступскае работнікі лясгаса высаджвалі дрэвы. З імі былі конь і сабака. У нейкі момант жывёлы пачалі праяўляць непакой, і неўзабаве на іх напаў воўк. Людзі схапіліся за вілы і сякеры, сталі адбівацца, пашкодзілі ваўку пашчу, і ён уцёк. Інфармацыю аб драпежніку перадалі егеру, што дзяжурыў непадалёк. Неўзабаве пасля яго прыезду воўк зноў выйшаў, павёў сябе агрэсіўна. Егер застрэліў яго з паляўнічай стрэльбы», — распавялі БелТА ў Пінскім райвыканкаме.
Зараз на месцы здарэння працуюць ветэрынары, патрэбны будзе аналіз на шаленства.
Як паведамлялася, воўк 5 красавіка ў вёсцы Ласіцк напаў на трох жанчын. З траўмамі іх шпіталізавалі. Пасля аказання неабходнай медыцынскай дапамогі пацярпелых выпісалі. Таксама ён атакаваў у вёсцы сабаку і казу.
Пошукі драпежніка працягваліся да трэцяй гадзіны ночы, на досвітку яны аднавіліся. У аперацыі па адлове ўдзельнічалі лясгас, Таварыства паляўнічых, міліцыя. Супрацоўнікі МНС апавяшчалі мясцовае насельніцтва.
Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20
Каментары