20.11.2009 / 18:44

Праз грып перанесены фэст «Музычны апельсін» 1

З снежня на красавік перанесены вялікі музычны фэст «Музычны апельсін». Пра гэта паведаміў адзін з арганізатараў імпрэзы, кіраўнік прадусарскага цэнтру «Пан-студыя» Дзмітры Саладуха.

На пытанне «Чаму?» Дзмітры Саладуха адказвае: "Адказнасць і абавязак: мы не хочам, каб нашыя суайчыннікі мелі турботы праз канцэрт, таму і пераносім фэст з 3 снежня на 8 красавіка. Калі так усё сур'ёзна, дык мы гатовы нават згубіць фінансава. Якраз скончыцца каталіцкі і праваслаўны пост, і мы ўсіх з радасцю будзем чакаць у клубе «Рэактар» на вялікае шоў».

У фестывале меліся ўзяць удзел Руся з этнічна-джазавым праектам Akana, Ксенія Мінчанка («Без билета»,WZ-orchestra ) са сваім новым, таксама фальклорным гуртом «Кумалёнтрэ», гурт «Нагуаль» і кабарэ «Серебряная свадьба». Усяго ў фэсце меліся ўзяць удзел 12 вядомым гуртоў і каманд-пачаткоўцаў.

Паводле арганізатараў усе прададзеныя на снежань білеты будуць сапраўднымі і на красавіцкую імпрэзу.

ЛК

0
Яшчэ жывы суслік / Адказаць
20.11.2009 / 19:38
Быў бы лімонам, або часнаком неякой пагрозы небыло." Музычны Часнок", "Музычны Лімон". За ідэямі з'вяртацца да мяне, за аўтарскія правы можна разлічыца лімонам бел руб.
Каб пакінуць каментар, калі ласка, актывуйце JavaScript у наладах свайго браўзеру