28.04.2011 / 20:36

БАЖ: Падтрымаем «Нашу Ніву» і «Народную волю»! Звернемся ў Мінінфармацыі з заклікам адмовіцца ад суда! 20

Заклік Беларускай асацыяцыі журналістаў.

«Калі справа дойдзе да суда, прадухіліць закрыццё газет будзе ўжо бадай немагчыма», — лічыць юрыст, намеснік старшыні ГА «БАЖ» Андрэй Бастунец.

«Фармальна ў газет хапае папярэджанняў, каб суд, не ўнікаючы ў сутнасць справы, задаволіў зыскі Мінінфармацыі. Таму спыніць драматычнае развіццё падзеяў ёсць шанец толькі праз адкліканне зваротаў у суд», — лічыць юрыст.

Журналісцкая арганізацыя склала прыкладны ўзор звароту ў Мінінфармацыі, які можа накіраваць у гэтае ведамства любы грамадзянін Беларусі — чытач газеты, занепокаены рашэннем Мінінфарма.

Зварот павінен утрымліваць:

— Назву і (альбо) адрас дзяржаўнага органа, а таксама пасаду, прозвішча, імя і імя па бацьку службовай асобы, якім накіроўваецца зварот;

— Прозвішча, імя, імя па бацьку грамадзяніна, дадзеныя пра яго месца працы, жыхарства і (альбо) працы (вучобы);

— Выкладанне сутнасці звароту (прапановы, заявы, скаргі);

— Асабісты подпіс грамадзяніна.

Звароты можна накіроўваць заказным лістом альбо пакінуць у кабінеце № 519 Міністэрства інфармацыі.

Прыкладны ўзор самага простага звароту:

Міністру інфармацыі Рэспублікі Беларусь

Праляскоўскаму Алегу Вітольдавічу

220004, г. Мінск, пр. Пераможцаў, 11.

Прозвішча, імя, імя па бацьку, дадзеныя пра месца жыхарства і (альбо) працы (вучобы)

Зварот

З паведамленняў СМІ я, (прозвішча, імя, імя па бацьку), даведаўся, што Міністэрства інфармацыі звярнулася ў суд з зыскам пра закрыццё газет «Народная воля» і «Наша Ніва».

Я з’яўляюся даўнім чытачом указаных выданняў. Спроба закрыць гэтыя СМІ груба парушае мае канстытуцыйныя правы — у прыватнасці, права на атрыманне, захаванне і распаўсюд поўнай, праўдзівай і своечасовай інфармацыі (арт. 34 Канстытуцыі РБ). Лічу, што такія дзеянні Міністэрства інфармацыі замахваюцца і на гарантаваныя Канстытуцыяй РБ свабоду меркаванняў, перакананняў і іх свабоднае выказванне.

Прашу адклікаць зыск пра спыненне выпуску газет «Народная воля» і «Наша Ніва».

Адказ на ўказаны зварот прашу даць у парадку і ў тэрміны, прадугледжаныя законам «Аб зваротах грамадзян».

Дата, подпіс

Акрамя таго, можна пакідаць свае заўвагі і прапановы ў Кнізе скаргаў і прапаноў, якая знаходзіцца ў кабінеце № 519 у намесніка кіраўніка справамі Міністэрства інфармацыі (г. Мінск, пр-т Пераможцаў, 11), тэл. 306-32-90. Тэлефон «гарачай лініі»: 203-92-31.

0
Бруклин пролетает / Адказаць
28.04.2011 / 20:53
Бруклин пролетает, потому только молюсь за НН.
0
Ульян_Ка / Адказаць
28.04.2011 / 21:08
Кніга скаргаў знаходзіцца ў прыёмнай Міністра інфармацыі - у сакратара (каб. 507, 5 паверх). P.S. Па крайняй меры тыдні два таму была там.
0
Беларус сапраўдны / Адказаць
28.04.2011 / 22:19
Спадары нi тратце дарам часу, усiм вядома, што у нас няма закону, таму нi якiх заяу яны разглядаць ня будуць, лепш арганiзаваць выданне газет дзе-небудзь у Смаленску цi у Вiльне, як гэта было раней, дыктатура перажывае апошнiя часы, бо эканамiчнае становiшча такое, што страна стаiць на парозе дэфолту. Гэта свйго роду агонiя лукашызму. Зараз патрэбна знайсцi у сябе сiлы, каб выратаваць людзей, якiя працуюць у НН i данесцi дэмактратычную думку да людзей.
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру