«Kali sprava dojdzie da suda, praduchilić zakryćcio haziet budzie ŭžo badaj niemahčyma», — ličyć juryst, namieśnik staršyni HA «BAŽ» Andrej Bastuniec.
«Farmalna ŭ haziet chapaje papiaredžańniaŭ, kab sud, nie ŭnikajučy ŭ sutnaść spravy, zadavoliŭ zyski Mininfarmacyi. Tamu spynić dramatyčnaje raźvićcio padziejaŭ jość šaniec tolki praz adklikańnie zvarotaŭ u sud», — ličyć juryst.
Žurnalisckaja arhanizacyja skłała prykładny ŭzor zvarotu ŭ Mininfarmacyi, jaki moža nakiravać u hetaje viedamstva luby hramadzianin Biełarusi — čytač haziety, zaniepokajeny rašeńniem Mininfarma.
Zvarot pavinien utrymlivać:
— Nazvu i (albo) adras dziaržaŭnaha orhana, a taksama pasadu, proźvišča, imia i imia pa baćku słužbovaj asoby, jakim nakiroŭvajecca zvarot;
— Proźvišča, imia, imia pa baćku hramadzianina, dadzienyja pra jaho miesca pracy, žycharstva i (albo) pracy (vučoby);
— Vykładańnie sutnaści zvarotu (prapanovy, zajavy, skarhi);
— Asabisty podpis hramadzianina.
Zvaroty možna nakiroŭvać zakaznym listom albo pakinuć u kabiniecie № 519 Ministerstva infarmacyi.
Prykładny ŭzor samaha prostaha zvarotu:
Ministru infarmacyi Respubliki Biełaruś
Pralaskoŭskamu Alehu Vitoldaviču
220004, h. Minsk, pr. Pieramožcaŭ, 11.
Proźvišča, imia, imia pa baćku, dadzienyja pra miesca žycharstva i (albo) pracy (vučoby)
ZvarotZ paviedamleńniaŭ ŚMI ja, (proźvišča, imia, imia pa baćku), daviedaŭsia, što Ministerstva infarmacyi źviarnułasia ŭ sud z zyskam pra zakryćcio haziet «Narodnaja vola» i «Naša Niva».
Ja źjaŭlajusia daŭnim čytačom ukazanych vydańniaŭ. Sproba zakryć hetyja ŚMI hruba parušaje maje kanstytucyjnyja pravy — u pryvatnaści, prava na atrymańnie, zachavańnie i raspaŭsiud poŭnaj, praŭdzivaj i svoječasovaj infarmacyi (art. 34 Kanstytucyi RB). Liču, što takija dziejańni Ministerstva infarmacyi zamachvajucca i na harantavanyja Kanstytucyjaj RB svabodu mierkavańniaŭ, pierakanańniaŭ i ich svabodnaje vykazvańnie.
Prašu adklikać zysk pra spynieńnie vypusku haziet «Narodnaja vola» i «Naša Niva».
Adkaz na ŭkazany zvarot prašu dać u paradku i ŭ terminy, praduhledžanyja zakonam «Ab zvarotach hramadzian».
Data, podpis
Akramia taho, možna pakidać svaje zaŭvahi i prapanovy ŭ Knizie skarhaŭ i prapanoŭ, jakaja znachodzicca ŭ kabiniecie № 519 u namieśnika kiraŭnika spravami Ministerstva infarmacyi (h. Minsk,
