Жыхары Італіі падчас рэферэндуму вырашылі адмовіцца ад будаўніцтва ў краіне новых АЭС.
Прыблізна 95% італьянцаў, што ўзялі ўдзел ва ўсенародным волевыяўленні, прагаласавалі супраць прапанаваных прэм’ерам Сільвіа Берлусконі планаў па аднаўленні атамнай энергетыкі ў краіне. Яўка склала прыблізна 57%.
Італія стала першай дзяржавай, у якой праводзіўся падобны рэферэндум пасля аварыі на японскай АЭС
Падчас рэферэндуму 1987 года пасля аварыі на Чарнобыльскай АЭС жыхары краіны ўжо прагаласавалі супраць выкарыстання Італіяй ядзернай энергетыкі. Аднак адміністрацыя Берлусконі прапанавала ў 2009 годзе пабудаваць у Італіі новыя АЭС для дастатковага забяспечання электраэнергіяй мясцовай вытворчасці.
У канцы траўня ўлады Германіі прынялі рашэнне закрыць да 2022 года ўсе дзейныя ў краіне АЭС.
0
0
0
0
0
0
