Žychary Italii padčas refierendumu vyrašyli admovicca ad budaŭnictva ŭ krainie novych AES.
Pryblizna 95% italjancaŭ, što ŭziali ŭdzieł va ŭsienarodnym volevyjaŭleńni, prahałasavali suprać prapanavanych premjeram Silvia Bierłuskoni płanaŭ pa adnaŭleńni atamnaj enierhietyki ŭ krainie. Jaŭka skłała pryblizna 57%.
Italija stała pieršaj dziaržavaj, u jakoj pravodziŭsia padobny refierendum paśla avaryi na japonskaj AES
Padčas refierendumu 1987 hoda paśla avaryi na Čarnobylskaj AES žychary krainy ŭžo prahałasavali suprać vykarystańnia Italijaj jadziernaj enierhietyki. Adnak administracyja Bierłuskoni prapanavała ŭ 2009 hodzie pabudavać u Italii novyja AES dla dastatkovaha zabiaśpiečańnia elektraenierhijaj miascovaj vytvorčaści.
U kancy traŭnia ŭłady Hiermanii pryniali rašeńnie zakryć da 2022 hoda ŭsie dziejnyja ŭ krainie AES.
