Аб гэтым паведаміла ў інтэрв’ю часопісу «Беларуская думка» старшыня Цэнтральнай камісіі па выбарах і правядзенні рэспубліканскіх рэферэндумаў Лідзія Ярмошына.
Адказваючы на пытанне аб тым, што часта менавіта адсутнасць на ўчастках у час галасавання празрыстых скрыняў становіцца каменем спатыкнення пры аспрэчванні вынікаў выбараў, старшыня беларускага Цэнтрвыбаркама сказала аб надуманасці гэтай праблемы.
«Праблема празрыстых скрыняў надуманая. Гэта хутчэйЯ адназначна ўпэўнена, што нельга звязваць дакладнасць атрыманага выніку з наяўнасцю або адсутнасцю празрыстых урнаў. Бо нягледзячы на наяўнасць такіх скрыняў і да таго ж прымяненне на 10% выбарчых участкаў электронных комплексаў па счытванні даных з бюлетэняў, усё гэта не прывяло да адсутнасці нездавальнення ў пэўных палітычных сіл вынікамі нядаўна праведзеных у Расіі выбараў у Дзяржаўную Думу. У гэтым выпадку ўсё проста і відавочна — калі вынікі выбараў не задавольваюць пэўныя палітычныя сілы або іх уплывовых заходніх інвестараў, то незалежна ад наяўнасці на выбарчых участках названага абсталявання ацэнка выбарчага працэсу будзе адмоўнай», — гаворыць Лідзія Ярмошына.піяр-ход для нязгодных з вынікамі выбараў.
«Чамусьці прымяненне празрыстых пластыкавых скрыняў многія лічаць гарантыяй ад сваіх выбарных няўдач? — задаецца пытаннем кіраўнік ЦВК Беларусі. — А ў некаторых жа дзяржавах на гэта ніхто не звяртае ўвагі. Возьмем нашу суседку Польшчу. Праводзімыя там выбары рэгулярна асвятляе тэлебачанне, і асабіста я ні разу не бачыла ў паказаных сюжэтах пластыкавых скрыняў для галасавання. Ды і на той час, да ўвядзення санкцый Еўрасаюза, калі я ездзіла за мяжу на выбары ў якасці наглядальніка, мне не даводзілася бачыць вельмі часта такое абсталяванне ў заходніх краінах».
Разам з тым Лідзія Ярмошына адзначае, што ніякай забароны ў Беларусі на прымяненне пры галасаванні празрыстых скрыняў няма. «Мы (Цэнтрвыбаркам) выдаём грошы на афармленне выбарчых участкаў, а набыццё урнаў уваходзіць у кампетэнцыю мясцовых органаў улады, якія ўтварылі гэтыя ўчасткі.
Таму калі яны змогуць знайсці ў бюджэце сродкі на гэтыя мэты або ў гэтым ім дапамогуць спонсары, то ніхто не будзе супраць.Дарэчы, паступова гэтыя самыя празрыстыя скрыні і закупляюцца. За час правядзення выбараў у мясцовыя Саветы і прэзідэнцкіх выбараў на шэрагу выбарчых участкаў менавіта такія скрыні для галасавання былі закуплены.
Яны выкарыстоўваліся ўжо на асобных участках у Мінску, Мар’інай Горцы, цалкам у Столінскім раёне Брэсцкай вобласці і некаторых іншых рэгіёнах.Лічу, што на маючых адбыцца выбарах яны з’явяцца і на іншых выбарчых участках», — сказала кіраўнік ЦВК.
