16.09.2012 / 12:44

Восем гадзін шукалі ў лясах Аршаншчыны маці з 3-гадовай дачкой 4

Жанчына пайшла ў грыбы і заблукала.

Супрацоўнікі міліцыі і МНС 8 гадзін шукалі ў лесе маці з 3-гадовай дачкой, паведамляе БЕЛТА. Аб здарэнні міліцыі стала вядома 15 верасня ў 17.40. Занепакоены мужчына распавёў, што яму патэлефанавала на мабільны тэлефон жонка і паведаміла, што яны з дачкой заблукалі ў лесе. Пошукі пачаліся адразу ж. Да меркаванага месца знаходжання зніклых накіраваліся 25 супрацоўнікаў Аршанскага РАУС, да якіх далучыліся 2 экіпажы МНС на аўтамабілях і міліцыянты Багушэўскага аддзела Сенненскага РАУС. Усяго каля 40 чалавек былі задзейнічаны ў пошуках.

Па словах начальніка Аршанскага РАУС Леаніда Міхайлава, сувязь з жанчынай увесь час падтрымлівалася па мабільным тэлефоне. Аўтамабілі МНС падавалі гукавыя сігналы. А для асвятлення тэрыторыі запускаліся сігнальныя ракеты. У выніку ў 1.40 гора-грыбнікоў выявілі ў балоце. Жанчына і дзіця былі дастаўлены ў бальніцу і агледжаны лекарамі. Зараз маці і дачка знаходзяцца дома.

0
Арына / Адказаць
16.09.2012 / 13:22
Слава Богу, абышлося.
0
vow / Адказаць
16.09.2012 / 14:12
Нашыя жанчыны - гэта нашы жанчыны! Вось навошта было цягнуць у лес трох гадовую дачку. Прыгод захацелася. Пашанцавала, што добра абышлося. Цікава, з каго злупяць выдаткі на пошукавыя мерапрыемствы?
0
Wlodek / Адказаць
16.09.2012 / 19:32
2 vow Гэта ж грамадскi сэрвiс, як пажарка цi хуткая. Аплачваецца з нашых падаткаў
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру